مغربی یورپ میں 200 کلومیٹر فی گھنٹہ کی رفتار سے چلنے والے طوفان سیاران کے باعث کم از کم 15 افراد ہلاک ہو گئے ہیں.

عالمی خبر رساں ادارے کی خبر کے مطابق مغربی یورپ کے مختلف ممالک میں سمندری طوفان سیاران نے تباہی مچا دی، طوفان کے باعث 15 افراد ہلاک ہو گئے ہیں۔

طوفان سیاران میں 200 کلومیٹر فی گھنٹہ کی رفتار سے چلنے والی تیز ہواؤں کی وجہ سے بندرگاہیں بند ہیں اور پروازیں اور ریل میں بھی خلل پڑا ہے۔

اطالوی حکام نے جمعے کے روز اعلان کیا ہے کہ ٹسکنی میں کم از کم پانچ افراد ہلاک ہو گئے ہیں، انہوں نے ریکارڈ بارشوں اور ہنگامی حالت کے اعلان کی اطلاع دی ہے۔

اطالوی حکام نے جمعے کے روز اعلان کیا ہے کہ ٹسکنی میں کم از کم پانچ افراد ہلاک ہو گئے ہیں، انہوں نے ریکارڈ بارشوں اور ہنگامی حالت کے اعلان کی اطلاع دی ہے۔

فلورنس کے میئر ڈیریو نارڈیلا نے کہا کہ شہر میں صورتحال نازک ہے کیونکہ دریائے ارنو کی سطح مسلسل بڑھ رہی ہے۔

یورپ میں تیز ہواؤں کی وجہ سے درخت وں کے گرنے سے زیادہ تر ہلاکتیں ہوئیں۔ بیلجیئم کے شہر گینٹ میں ایک پانچ سالہ یوکرینی لڑکا اور ایک 64 سالہ خاتون درخت کی شاخیں گرنے سے ہلاک ہو گئے۔

اس سے قبل شمالی فرانس کے علاقے آئسنے میں درخت گرنے سے ایک لاری ڈرائیور ہلاک ہو گیا تھا اور فرانسیسی حکام نے بندرگاہی شہر لی ہیور میں اپنی بالکونی سے گرنے والے ایک شخص کی موت کی بھی اطلاع دی تھی۔

ہالینڈ کے شہر وینرے میں ایک شخص، وسطی میڈرڈ میں ایک خاتون اور جرمنی میں بھی ایک شخص ہلاک ہوا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں