لاہورہائی کورٹ نے آئی جی، چیف کمشنراسلام آباد اوردیگرافسران کوہرصورت عدالت میں پیش ہونے کا حکم دے دیا۔

لاہور ہائیکورٹ میں پرویز الٰہی کو بحفاظت گھر نہ پہنچانے اور گرفتار کرنے پر پولیس افسران کے خلاف توہین عدالت کیس کی سماعت ہوئی۔

عدالت نےآئی جی اسلام آباد، چیف کمشنر اسلام آباد اورتوہین عدالت کےمرتکب افسران کو آئندہ سماعت پر ہرصورت عدالت پیش اور اسی وقوعہ کی تمام توہین عدالت کی درخواستیں مقررکرنے کاحکم دیا۔

عدالت نے کہا کہ عدالتی حکم کےباوجود پیش نہ ہونابھی توہین عدالت ہے۔ عدالت آئی جی اسلام آباد کےخلاف ایک اورتوہین عدالت کانوتس جاری کرےگی۔ کیا ان افسران نے صرف اسلام آباد کی کی عدالتوں میں پیش ہونا ہے؟ اگراس عدالت میں پیش نہیں ہونا تو یہ عدالتیں بند کردیں۔ یہ کس قسم کی نظم وضبط کی خلاف ورزی کی جارہی ہے۔

جسٹس سلطان تنویر نے کیس کی سماعت کرتے ہوئے کہا کہ کیا کل کو سندھ کی عدالت بلائے گی تو پنجاب کے افسران پیش نہیں ہوں گے۔ یہ افسران کیوں پیش نہیں ہورہے کیایہ افسران قانون سے بالاتر ہیں؟ ہمارے صوبے میں انہوں نےجرم کیاوہ اسلام آباد کیسے پیش ہوسکتے ہیں۔

ایڈووکیٹ آفتاب باجوہ نے کہا کہ آئی جی اسلام آباد آج تک ناقابل ضمانت وارنٹ گرفتاری کےباوجود پیش نہیں ہوئے۔ ایک ہی وقوع کے متعدد ملزمان ہیں۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔