مالدیپ کے نو منتخب صدر محمد معیزو نے کہا ہے کہ ملک سے بھارتی فوجیوں کی واپسی میرا اولین مقصد ہے۔

تفصیلات کے ماطبق مالدیپ کے نو منتخب صدر محمد معیزو نے کہا ہے کہ ’اُن کی حکومت ملک کے سٹریٹجک اہمیت والے علاقے سے بھارتی فوج کو واپس بھیجنے کے عزم کا اعادہ کرتی ہے۔

فرانسیسی خبر رساں ایجنسی کے مطابق صدر منتخب ہونے کے بعد اپنے عہدے کا حلف اٹھانے کی تقریب کے دوران محمد معیزو نے قوم سے پہلے خطاب میں کہا کہ وہ انتخابی مہم میں کیے گئے وعدے پورے کریں گے۔

محمد معیزو نے اپنی انتخابی مہم کے دوران اعلان کیا تھا کہ وہ اقتدار میں آ کر ملک سے بھارتی فوج کو بے دخل کریں گے۔

مالدیپ کے صدر کی تقریب حلف برداری کھلے میدان میں منعقد کی گئی جو کو ٹی وی پر براہ راست نشر کیا گیا۔

صدر محمد معیزو سے ملک کے چیف جسٹس احمد عدنان نے حلف لیا۔ صدر محمد معیزو نے کہا کہ مالدیپ میں کوئی غیرملکی فوج نہیں رہے گی۔

صدر محمد معیزو کا کہنا تھا کہ جب معاملہ ہماری سلامتی کا ہوگا تو میں ایک ریڈ لائن لگاؤں گا اور مالدیپ دوسرے ملکوں کی ریڈ لائن کا بھی احترام کرے گا۔

قبل ازیں مالدیپ کے صدر نے غیر ملکی خبر رساں ادارے کو بتایا تھا کہ اُن کی یہ نیت نہیں کہ بھارتی افواج کو واپس بھیج کر اُس کی جگہ چینی افواج سے علاقائی توازن قائم کرنے کی کوشش کریں۔

محمد معیزو جو مالدیپ کے دارالحکومت مالے شہر کے میئر اور سات برس تک تعمیراتی وازرت کے وزیر بھی رہے ہیں۔انہوں نے اس سے پہلے کہا تھا کہ وہ چین سے مضبوط تعلقات کے خواہاں ہیں۔

مالدیپ کو جنوبی ایشیا میں سیاحت کے لیے سب سے مہنگا ملک سمجھا جاتا ہے جہاں کے ساحل سیاحوں کو اپنی طرف کھینچتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں