شاہد خاقان عباسی نے کہا ہے کہ نواز شریف سے ذاتی تعلق ہے، وہ بلائیں گے تو چلا جاؤں گا۔

سابق وزیراعظم شاہد خاقان عباسی نے اسلام آباد کی احتساب عدالت کے باہرمیڈیا کے نمائندوں سے گفتگو کرتے ہوئے کہا کہ حسب معمول پیش ہوا ہوں معلوم ہوا جج صاحبہ ریٹائر ہورہی ہیں۔ یہ کیس کب تک چلے گا یہ وقت ہی بتائے گا چار سال ہوگئے ہیں، پتا نہیں الزام کیا ہے۔

شاہد خاقان عباسی نے کہا کہ آنے والی حکومت یا نگراں حکومت فیصلہ کرلے اس ادارے کا کیا کرنا ہے، اس ادارے کا 25 واں سال ہے اور صرف یہ سیاستدانوں کیلئے بنایا گیا ہے مگر الزام کسی پر ثابت نہیں ہوا۔ ہزاروں لوگ جیلوں میں پڑے ہیں ان کی زندگیاں مفلوج ہیں۔ یہ پولیٹیکل انجنیرنگ کا ادارہ ہے احتساب نہیں کرتا۔

شاہد خاقان عباسی نے کہا ہے کہ نواز شریف سے ذاتی تعلق ہے، وہ بلائیں گے تو چلا جاؤں گا
براہ راست دیکھیں:https://t.co/kGi5LWBrA5#BOLNews #ShahidKhaqanAbbasi pic.twitter.com/wlM7wzPURg

Advertisement

— BOL Network (@BOLNETWORK) November 7, 2023

انھوں نے کہا کہ سپریم کورٹ دوسرے قوانین پرسوموٹو لیتا ہے مگراس قانون پر نوٹس نہیں لیتا۔ زرداری صاحب اور نواز شریف سیاسی لیڈرز ہیں ملاقات اوربات ہونی چاہئے۔ سب کو بیٹھ کرراستے کا تعین کرنا ہوگا۔ جو تفریق اورانتشارہے اسے سیاسی بات چیت سے ہی حل کیا جائے گا۔

شاہد خاقان عباسی نے کہا کہ میں پینتیس سال سے سیاست میں ہوں اور رہوں گا، پارٹی کے معاملات سے الگ ہوں عہدے سے استعفیٰ دے چکا ہوں۔ نوازشریف کے آنے سے پہلے ملاقات ہوئی ہے وہ بلائیں گے تو چلا جاؤں گا۔ میاں نوازشریف سے پرانا اور ذاتی تعلق ہے۔  دعا ہے شفاف الیکشن ہوں اگر ایسا نہیں ہوا تو ستر جیسے حالات ہوں گے۔

سابق وزیراعظم نے مذید کہا کہ رؤف صدیقی نے ایم کیو ایم میں شمولیت کی نہیں کھانے کی دعوت دی ہے، پارٹی رہنما جیل میں اندر باہرہوتے رہتے ہیں، اگرعوامی سپورٹ ہو تو نظریہ زندہ رہتا ہے۔

واضح رہے کہ احتساب عدالت میں پی ایس او میں غیر قانونی بھرتیوں کے ریفرنس کے کیس میں سابق وزیراعظم شاہد خاقان عباسی سمیت دیگرملزمان عدالت میں پیش ہوئے۔

عدالت نے ریفرنس کی سماعت بغیر کسی کارروائی ملتوی کردی، ریفرنس کی آئندہ سماعت 13 دسمبرکو ہوگی۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پرہمیں فالوکریں https://twitter.com/bolnewsurdu01 اورحالات سے باخبررہیں۔