غزہ میں اسرائیل نے جنگ کے دوران 427 صحت کے مراکز کو نشانہ بنایا، ڈبلیو ایچ او

ویب ڈیسک

30th Nov, 2023. 05:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ میں اسرائیل نے جنگ کے دوران 427 صحت کے مراکز کو نشانہ بنایا، ڈبلیو ایچ او

عالمی ادارہ صحت کا کہنا ہے کہ غزہ میں اسرائیل نے جنگ کے دوران 427 صحت کے مراکز کو نشانہ بنایا ہے۔

غیر ملکی خبر رساں ادارے کی رپورٹ کے مطابق عالمی ادارہ صحت کی جانب سے ایک رپورٹ جاری کی گئی ہے جس میں کہا گیا ہے کہ اسرائیل نے مقبوضہ مغربی کنارے اور غزہ کی پٹی میں مخلتف صحت کے مراکز کو نشانہ بنایا۔

ڈبلیو ایچ او کی رپورٹ کے مطابق اسرائیل نے ان حملوں میں 566 فلسطینیوں کو شہید کیا جب کہ 758 افراد زخمی ہوگئے ہیں۔

دوسری جانب اسرائیل اور حماس کے درمیان جنگ میں اب تک 400 اسرائیلی فوجی ہلاک ہوچکے ہیں جب کہ 2 ہزار سے زائد اسرائیلی فوجی زخمی ہوئے ہیں۔

یہ بھی پڑھیں: غزہ میں اسرائیلی بمباری سے 50 ہزار مکانات مہندم ہوگئے

یاد رہے کہ اسرائیل اور حماس کے درمیان غزہ میں جنگ بندی پر مزید ایک روز کی توسیع پر اتفاق ہوگیا ہے۔

اسرائیلی فوج کا کہنا ہے کہ مزید یرغمالیوں کی رہائی کیلئے جنگ بندی میں توسیع کی گئی ہے اور ثالثیوں کی کوششوں کے نتیجے میں معاہدے کے تحت یرغمالیوں کی رہائی کاعمل جاری رہے گا۔

حماس نے جنگ بندی کے چھٹے اور آخری روز 4 غیرملکیوں سمیت 16 یرغمالی رہا کیے ہیں جب کہ اسرائیل نے بھی مزید 30 فلسطینیوں کو رہا کیا ہے۔