ترجمان دفترخارجہ نے کہا ہے کہ غزہ میں اسرائیلی جارحیت جاری ہے، اسرائیل کی غزہ کے اسپتال میں حملے کی مذمت کرتے ہیں۔

اسلام آباد میں ترجمان دفترخارجہ ممتاززہرا بلوچ نے ہفتہ وار بریفنگ دیتے ہوئے کہا کہ وزیراعظم انوارالحق کاکڑ نے سعودی عرب میں فلسطین کے بارے میں او آئی سی سربراہ کانفرنس میں شرکت کی۔ وزیراعظم نے اسرائیلی جارحیت اور بربریت کی شدید مذمت کی۔

ترجمان دفترخارجہ نے کہا کہ اسرائیل بین الاقوامی قوانین اورانسانی اصولوں کے خلاف اسپتالوں حملے کررہا ہے، پاکستان اس کی مذمت کرتا ہے، اسرائیل فوج نےغزہ میں اسکولز، اسپتالوں اور آبادیوں کو نشانہ بنایا۔

انھوں نے کہا کہ ڈپٹی وزیرتجارت قازقستان، افغان عبوری نائب وزیر اور پاکستان کے درمیان رواں ہفتے سہ ملکی تجارتی مذاکرات ہوئے۔ عبوری افغان نائب وزیرتجارت نے وزیرخارجہ سے ملاقات کی۔ پاکستان دوبارہ یونیسکو کے ایگزیکٹو بورڈ کا ممبر منتخب ہوا۔

ممتاززہرا نے کہا کہ جموں وکشمیر میں بھارتی فوج نے متعدد املاک کو سیل کردیا، پاکستان اور روس کے درمیان انسداد دہشت گردی مذاکرات آج منعقد ہو رہے ہیں، پاکستان یونیسکو کے ایگزیکٹو بورڈ میں سال 2027 کے لیے منتخب ہو گیا ہے، پاکستان تمام خطوں میں رابطے قائم کرے گا۔

ترجمان دفتر خارجہ نے کہا کہ بھارت مقبوضہ کشمیر میں زمینوں پر قبضے میں مصروف ہے، بھارت نے پلوامہ میں انسانی حقوق کے محافظین کی زمینں قبضے میں لیں، پاکستان مسئلہ کشمیر کے حل کے لیے کشمیریوں کی حمایت جاری رکھے گا۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔