امریکی جیولوجیکل سروے کا کہنا ہے کہ انڈونیشیا کے بحیرہ بانڈا میں آج  7.1 شدت کے زلزلے کے جھٹکے محسوس کیے گئے۔

عرب میڈیا کے مطابق یو ایس جی ایس کے مطابق زلزلے کی شدت 6.9 ریکارڈ کی گئی تھی جو مقامی وقت کے مطابق صبح 11 بجکر 53 منٹ پر آیا۔

انڈونیشیا کے محکمہ موسمیات، آب و ہوا اور جیوفزیکل ایجنسی کے مطابق زلزلے کے جھٹکے جزیرے تانیمبر کے سوملاکی قصبے میں محسوس کیے گئے۔

سوملاکی کے رہائشی لیمبرٹ تاتانگ نے غیر ملکی میڈیا کو بتایا کہ ہم زلزلوں کے عادی ہیں، آج آنے والا زلزلہ کافی شدید تھا لیکن یہاں کے لوگ خوفزدہ نہیں تھے۔

لیمبرٹ تاتانگ نے کہا کہ خاص طور پر جب ہمیں معلوم ہوا کہ سونامی کا کوئی خطرہ نہیں ہے تو اب زندگی معمول کے مطابق ہے۔

انڈونیشیا کو بحرالکاہل کے ‘رنگ آف فائر’ پر اپنی پوزیشن کی وجہ سے اکثر زلزلوں کا سامنا کرنا پڑتا ہے ، جو شدید زلزلے کی سرگرمی کا ایک حصہ ہے جو جاپان سے جنوب مشرقی ایشیا اور بحر الکاہل کے طاس میں پھیلا ہوا ہے۔

گزشتہ سال نومبر میں ملک کے اہم جزیرے جاوا کے مغربی جاوا صوبے میں 5.6 شدت کا زلزلہ آیا تھا جس کے نتیجے میں 602 افراد ہلاک ہو گئے تھے۔

سنہ 2004 میں سماٹرا کے ساحل پر 9.1 شدت کا زلزلہ آیا تھا جس کے نتیجے میں سونامی آیا تھا جس کے نتیجے میں پورے خطے میں 2 لاکھ 20 ہزار افراد ہلاک ہوئے تھے جن میں انڈونیشیا میں ایک لاکھ 70 ہزار افراد بھی شامل تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں