ماہرین کا کہنا ہے کہ آئس لینڈ میں آتش فشاں پھٹنے کے امکانات بڑھ رہے ہیں، جس کی وجہ سے علاقے میں ہنگامی حالت کا اعلان کر دیا گیا ہے۔

برطانوی خبر رساں ادارے کی خبر کے مطابق آئس لینڈ کے حکام نے آتش فشاں فگراڈلز فل کے پھٹنے کے خدشے کے پیش نظر جنوب مغربی قصبے گرینڈویک میں رہنے والے ہزاروں افراد کو احتیاط کے طور پر علاقہ چھوڑنے کا حکم دیا ہے۔

آئس لینڈ کے محکمہ موسمیات (آئی ایم او) کا کہنا ہے کہ آتش فشاں پھٹنے کا کافی خطرہ ہے۔

آئی ایم او کا کہنا ہے کہ جزیرہ نما ریکیجینز پر یا اس کے بالکل اوپر آتش فشاں پھٹنے کے امکانات صبح سے بڑھ گئے ہیں۔

بیان کے مطابق اگلے چند دنوں میں کسی بھی وقت آتش فشاں پھٹنا شروع ہوسکتا ہے۔

آئس لینڈ یونیورسٹی میں آتش فشاں کے پروفیسر تھور تھورڈاسن نے کہا کہ جزیرہ نما کے نیچے سے بہنے والا 15 کلومیٹر طویل دریائے میگما اب بھی فعال ہے۔

پروفیسر تھور تھورڈاسن نے برطانوی خبر رساں ادارے کو بتایا کہ ہم بدقسمتی سے آتش فشاں پھٹنے کے بارے میں بات کر رہے ہیں اور ایسا لگتا ہے کہ آتش فشاں پھٹنے کا سب سے زیادہ امکان گریناڈوک قصبے کی حدود میں ہے۔

حالیہ ہفتوں کے دوران قریبی فگراڈلسفجل آتش فشاں کے آس پاس ہزاروں زلزلے کے جھٹکے بھی ریکارڈ کیے گئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں