آسٹریلیا میں نسیم شاہ کی کمی محسوس ہوگی، بولنگ کوچ عمر گل

ویب ڈیسک

24th Nov, 2023. 04:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلیا میں نسیم شاہ کی کمی محسوس ہوگی، بولنگ کوچ عمر گل

قومی ٹیم کے بولنگ کوچ عمر گل کا کہنا ہے کہ آسٹریلیا کی پچز اور کنڈیشنز کو مدِنظر رکھتے ہوئے پریکٹس کر رہے ہیں تاہم نسیم شاہ کی کمی محسوس ہوگی۔

راولپنڈی میں میڈیا سے گفتگو کرتے ہوئے پاکستان کرکٹ ٹیم کے فاسٹ بولنگ کوچ ٹیسٹ کرکٹ میں لمبے اسپیل کرانا معمول کی بات ہے، لمبے اسپیل کرانے سے متعلق حکمتِ عملی تیار کرلی ہے، بولنگ میں ہمیشہ بہتری کی ضرورت ہوتی ہے تاہم نسیم شاہ کی کمی محسوس ہوگی جن کا ری ہیب جاری ہے۔

عمر گل نے کہا کہ شاہین شاہ آفریدی بہت تجربہ کار ہے، کیمپ میں 4 مختلف پچز پر پریکٹس کریں گے، آسٹریلیا کی کنڈیشنز چیلنجنگ ہوتی ہیں جس کے لیے محنت کی ضرورت ہوتی ہے اور وہ ہم کررہے ہیں۔

بولنگ کوچ کا کہنا تھا کہ ورلڈ کپ میں ایسی پرفارمنس نہیں رہی جیسی امید تھی، ڈومیسٹک کے پرفارمرز کو عزت دینی چاہیے، کھلاڑی اور ٹیم منیجمنٹ مل کر ورک لوڈ کو ہینڈل کرتے ہیں۔

واضح رہے کہ پنڈی کرکٹ اسٹیڈیم میں پاکستان ٹیسٹ اسکواڈ کے کیمپ میں مزید 3 بولرز کو شامل کر لیا گیا ہے۔ پاکستان کرکٹ بورڈ کے مطابق ثمین گل، علی شفیق اور محمد علی تربیتی کیمپ کا حصہ بن گئے ہیں۔

یاد رہے کہ پاکستان اور آسٹریلیا کے درمیان 3 ٹیسٹ میچز کی سیریز 14 دسمبر سے شروع ہوگی۔