بھارتیہ جنتا پارٹی کے انوپ پور ضلع صدر رام داس پوری نے چھ سال کے وقفے کے بعد دوبارہ جوتے پہننا شروع کر دیے۔

بھارتی میڈیا کے مطابق مدھیہ پردیش میں بی جے پی کی انوپ پور ضلع اکائی کے صدر، جنہوں نے 2017 میں ریاست میں پارٹی کی حکومت بننے تک جوتے نہ پہننے کا عہد کیا تھا، نے ہفتہ کو ایک بار پھر جوتے پہننا شروع کر دیے ہیں۔

بی جے پی رہنما رام داس پوری نے سابق وزیر اعلی شیوراج سنگھ چوہان کی موجودگی میں جوتے پہنے۔

شیوراج سنگھ چوہان نے کہا کہ رام داس پوری نے 2017 میں جوتے پہننا چھوڑ دیا تھا اور فیصلہ کیا تھا کہ جب تک ریاست میں بی جے پی اقتدار میں نہیں آتی وہ جوتے نہیں پہنیں گے۔

Advertisement

रामदास पुरी जैसे कार्यकर्ता पार्टी की शक्ति और पूंजी हैं…

अनूपपुर के भाजपा जिला अध्यक्ष श्री रामदास पुरी जी ने संकल्प लिया था कि जब तक प्रदेश में भाजपा की सरकार नहीं बनेगी, तब तक वे जूते चप्पल नहीं पहनेंगे।

प्रदेश में भाजपा की सरकार बन गयी और उनका संकल्प पूरा होने पर हमने… pic.twitter.com/3Q50QThen3

— Shivraj Singh Chouhan (@ChouhanShivraj) December 23, 2023

بی جے پی 2018 کے اسمبلی انتخابات کے بعد مدھیہ پردیش میں حکومت بنانے میں ناکام رہی تھی۔

شیوراج سنگھ چوہان نے اپنے آفیشل ایکس اکاؤنٹ پر پوسٹ کیے گئے ایک ویڈیو میں کہا کہ 2020 میں پارٹی کے اقتدار میں واپس آنے کے بعد بھی (کمل ناتھ کی قیادت والی کانگریس حکومت کے گرنے کے بعد) رام داس پوری نے جوتے پہننا شروع نہیں کیے تھے۔

شیوراج سنگھ چوہان نے مزید کہا کہ رام داس پوری جی ایک محنتی اور وقف پارٹی کارکن ہیں جنہوں نے 2017 سے جوتے اور چپل پہننا چھوڑ دیا اور چھ سال تک، وہ ہر موسم میں ننگے پاؤں رہے۔

شیوراج سنگھ چوہان کا کہنا تھا کہ ہم سب نے درخواست کی کہ اب قرارداد پوری ہو گئی ہے اور آپ کو جوتے پہننا شروع کر دینا چاہیے۔