بنگلادیش نے انڈر 19 ایشیا کپ میں متحدہ عرب امارات کو شکست دیکر چیمپئن کا تاج اپنے سر سجالیا۔
دبئی میں ہونے والے انڈر 19 کرکٹ ایشیا کپ کے فائنل میں بنگلادیش انڈر 19 کرکٹ ٹیم نے یو اے ای انڈر 19 ٹیم کو 195 رنز کے بڑے مارجن سے شکست دے کر ٹائٹل اپنے نام کرلیا۔
اتوار کو ہونے والے فائنل میں بنگلادیش نے پہلے بیٹنگ کرتے ہوئے 8 وکٹ پر 282 رنز بنائے۔ بنگال ٹائیگر کی جانب سے عاشق الرحمان نے 129 رنز کی اننگز کھیلی جبکہ رضوان 60 اور عارف الاسلام نے 50 رنز بنائے۔ یو اے ای کی طرف سے ایان احمد نے 4 کھلاڑیوں کو آؤٹ کیا۔
بنگلادیش کے 282 رنز کے جواب کے تعاقب میں یو اے ای کو پوری ٹیم بنگلادیش کے بولرز کا سامنا نہ کرسکی اور 25 ویں اوور میں صرف 87 رنز پر ڈھیر ہوگئی۔
بنگلادیش کی جانب سے روہانت اور معروف مریدھا نے 3،3 وکٹیں حاصل کیں جب کہ اقبال حسین اور شیخ پرویز نے 2،2 کھلاڑی آؤٹ کیے۔
Advertisement
خیال رہے کہ یواے ای انڈر 19 ٹیم پہلے سیمی فائنل میں پاکستان کو دلچسپ مقابلے میں 11 رنز سے شکست دیکر فائنل میں پہنچی تھی جب کہ بنگلا دیش نے دوسرے سیمی فائنل میں بھارت کو شکست دیکر فائنل کیلئے کوالیفائی کیا تھا۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
