نگراں وزیراعظم انوارالحق کا کہنا ہے کہ پاکستان کشمیریوں کی تحریک آزادی کی مکمل حمایت کرتاہے، کشمیر کے حل کیلئے اپنا کردارادا کرتے رہیں گے۔

نگراں وزیراعظم انوارالحق کاکڑ نے آزاد کشمیراسمبلی سے خطاب کرتے ہوئے کہا کہ کشمیریوں کوطاقت سےزیرکرنےکابھارتی خواب پورانہیں ہوگا، کشمیرکا مقدمہ پاکستان کی اپنی زمین اور اپنےلوگوں کا مقدمہ ہے۔ چند روزقبل یاسین ملک کوسزائےموت سنائی گئی۔

نگراں وزیراعظم نے کہا کہ ایسی سزائیں صرف کٹھ پتلی عدالت ہی سناسکتی ہے، کشمیر کے حل کیلئے اپنا کردارادا کرتے رہیں گے، آخرکب تک کشمیریوں کی آوازکودبایاجاسکتاہے، پاکستان کشمیریوں کی تحریک آزادی کی مکمل حمایت کرتاہے۔

انھوں نے اپنے خطاب میں کہا کہ دنیاکو مسئلہ کشمیر کے حل کےلیے کردار اداکرنا ہوگا، کشمیرکے معاملے پر ہم پر 3 بارجنگ تھوپی گئی، اگرکشمیرپر30 باربھی جنگ تھوپی گئی تو ہم 300 بارلڑیں گے، بھارت خودکودنیاکی سب سےبڑی نام نہاد جمہوریت کہتا ہے۔

انوارالحق نے کہا کہ بھارت میں ماورائےعدالت قتل، اقلیتوں پرمظالم ہورہےہیں، 3 روزقبل بھارتی سپریم کورٹ نےغیرآئینی وغیر قانونی فیصلہ دیا، مقبوضہ کشمیرمیں بھارتی مظالم جاری ہیں، 1948سے جموں وکشمیرعالمی سطح پرنامکمل ایجنڈا ہے۔ کشمیریوں کی قبضےکےخلاف قربانیوں کی لمبی تاریخ ہے۔

نگراں وزیراعطم نے کہا کہ صدی گزرنےوالی ہے لیکن کشمیریوں کی صورتحال بہترنہیں ہوئی، کشمیرعالمی سطح پرتسلیم شدہ متنازع علاقہ ہے، اقوام متحدہ نےکشمیریوں کو حق خودارادیت کااختیاردیا، کشمیردنیا کےتصفیہ طلب مسائل میں سب سے پرانامسئلہ ہے۔  اس وقت بھی لاکھوں کشمیری بھارتی غیرقانونی تسلط میں ہیں، پہلانگراں وزیراعظم ہوں جسےآزادکشمیراسمبلی میں خطاب کےلیےدعوت دی۔