جاپان کے ایک لگژری ڈپارٹمنٹ اسٹور نے سیکڑوں گرے ہوئے اسٹرابیری کرسمس کیک فراہم کرنے پر معافی مانگ لی ہے۔

برطانوی خبر رساں ادارے کی خبر کے مطابق کرسمس سے قبل فراہم کیے گئے 2900 اسٹرابیری کیکوں میں سے 807 کیک اپنے ڈبوں میں گرے ہوئے پائے گئے، جس پر سوشل میڈیا پر شدید ردعمل سامنے آیا۔

کیک بنانے والی کمپنی کے ترجمان نے اپنے ڈبوں میں گرے ہوئے کیک ملنے پر صارفین سے معافی مانگی اور کہا ہے کہ کمپنی اس کی ذمہ داری لے رہے ہیں۔

سینئر مینیجنگ ڈائریکٹر کازوہیسا یوکویاما نے ٹوکیو میں ایک نیوز کانفرنس کے دوران افسوس کا اظہار کیا، اور انہوں نے میڈیا کے سامنے جھک کر صارفین سے معافی مانگی۔

ترجمان نے کرسمس کے روز بتایا کہ یہ کیک سیتاما شہر کی ایک کنفیکشنری فرم ونز آرک نے بنائے اور منجمد کیے جبکہ ایک علیحدہ کمپنی یاماتو اس کی ترسیل کی ذمہ داری نبھائی تھی۔

تاہم کمپنی کی اندرونی تحقیقات اس بات کا تعین کرنے میں ناکام رہی ہے کہ کیک کس طرح اپنے ڈبوں میں گرے ہوئے پائے گئے۔

جاپان کی آبادی کا صرف ایک فیصد عیسائی ہیں، لیکن ملک میں بہت سے لوگ تحائف کا تبادلہ کرکے اور اپنے پیاروں کے ساتھ تہوار کے کھانے بانٹ کر کرسمس مناتے ہیں۔

کیک تیار کرنے والی کمپنی نے کہا کہ مستقبل میں ہم اپنے کاروباری شراکت داروں کے ساتھ اپنے تعلقات کو مضبوط بنائیں گے تاکہ ہمارے انتظامی نظام کو بہتر بنایا جا سکے اور ایسا دوبارہ ہونے سے روکا جا سکے۔