تفتیشی افسر نے کراچی میں واقع آرجے شاپنگ مال میں آتشزدگی کے کیس میں عبوری چالان عدالت میں جمع کروا دیا۔

تفتیشی افسر کی جانب سے چالان میں مال انتظامیہ اور تعمیرات میں ملوث اداروں کو ذمہ دار ٹھہرایا گیا ہے، دیکھا جائےکہ نقشہ کس نے پاس کیا۔

چالان میں بتایا گیا کہ یوٹیلیٹی سروسزکے اداروں کے خلاف قتل بالسبب کے تحت اُنہیں شامل تفتیش کیا جائے، مال انتظامیہ کی غفلت کے سبب گیارہ لوگ جان کی بازی ہارگئے۔

عبوری چالان میں کہا گیا کہ فائرآفیسرکی رپورٹ سے ثابت ہوا مال میں کوئی ہنگامی دروازہ یا حفاظتی آلات موجود نہیں تھے، آگ دوسرے فلورپرفوڈ کورٹ سے لگی، فوڈ کورٹ کا مالک مال کے مالک رفیق جاپان والے کا بھائی حنیف جاپان والا تھا، حنیف جاپان والا روزاول سے مفرور ہے۔

تفتیشی افسرنے چالان میں بتایا کہ آگ شارٹ سرکٹ کے وجہ سے لگی، جائے وقوعہ سے قبضے لی جانے والی اشیاء کی فارنزک رپورٹ تاحال موصول نہیں ہوئی ہے، آگ لگی تو لفٹ کے دروازے کو بند کردیا گیا، لفٹ میں موجود لوگ وہی اندر موت کی بھینٹ چڑھ گئے۔

چالان میں عدالت کو بتایا گیا کہ سول ڈیفنس، کنوٹنمنٹ بورڈ، ایس بی سی اے کو بیانات قلمبند کروانے کے لیے نوٹس ارسال کردیے گئے ہیں، اداروں کی جانب سے تاحال کوئی جوابات موصول نہیں ہوئے، مفرورملزمان میں عارف دھونی ، حنیف جاپان والا و دیگر شامل ہیں، مال کو بغیر اجازت تعمیر پر جون میں جرمانہ بھی ہوچکا بے۔