آرمی چیف جنرل سیدعاصم منیرنشانِ امتیاز(ملٹری) نے دورہ امریکاکے دوران ممتاز امریکی تھنک ٹینکس اور میڈیا ارکان کے ساتھ خصوصی ملاقات کی ہے۔

پاک فوج کے شعبہ برائے تعلقاتِ عامہ آئی ایس پی آرکے مطابق آرمی چیف جنرل سید عاصم منیر نے ملاقات میں بات چیت کے دوران علاقائی سلامتی، بین الاقوامی دہشت گردی اور جنوبی ایشیا میں اسٹریٹجک استحکام کو برقرار رکھنے کی اہمیت پر پاکستان کے نقطہ نظر کو اُجاگر کیا۔

آرمی چیف نے مسئلہ کشمیر کو کشمیری عوام کی اُمنگوں اور اقوامِ متحدہ کی کی قراردادوں کے مطابق حل کرنے کی ضرورت پر زور دیتے ہوئے کہا کہ کشمیر ایک بین الاقوامی طور پر تسلیم شدہ تنازع ہے اور کوئی بھی یک طرفہ اقدام کشمیری عوام کی خواہشات کے خلاف اس تنازع کی نوعیت کو تبدیل نہیں کرسکتا۔

آرمی چیف کی دورہ امریکا پر امریکی تھنک ٹینکس سے خصوصی ملاقات
براہ راست دیکھیں:https://t.co/d9lAsOIKwT#BOLNews #ArmyChief pic.twitter.com/2ey9rJdNWv

Advertisement

— BOL Network (@BOLNETWORK) December 20, 2023

آرمی چیف جنرل سید عاصم منیرنے غزہ میں فوری جنگ بندی کے خاتمے، انسانی ہمدردی اور خطے میں پائیدار امن کے لیے دو ریاستی حل کے نفاذ کی فوری ضرورت پر بھی زوردیا اورکہا کہ پاکستان علاقائی استحکام اور عالمی امن و سلامتی کو یقینی بنانے کے لیے کئی دہائیوں سے بین الاقوامی دہشت گردی کے خلاف نبرد آزما ہے۔

آئی ایس پی آرکی جانب سے جاری بیان کےمطابق آرمی چیف نے کہا کہ پاکستان نے دہشت گردی کے خلاف جنگ میں بے مثال خدمات اور قربانیاں دی ہیں اور پاکستانی عوام کی بھرپور حمایت سے آخری دہشت گرد کے خاتمے تک یہ جنگ جاری رہے گی، پاکستان جیو پولیٹیکل اور جیو اکنامک دونوں نقطہ نظرسے اہم ترین ممالک میں سے ہے۔

آرمی چیف جنرل سیدعاصم منیرنے کہا کہ پاکستان وسطی ایشیاء کے دیگر ممالک کے ساتھ مضبوط تعلقات استوارکرنے کے لئے اہم کردار ادا کرنا چاہتا ہے۔ پاکستان بلاک پالیٹکس پر یقین نہیں رکھتا اور تمام دوست ممالک کے ساتھ متوازن تعلقات برقراررکھنے پر یقین رکھتا ہے۔

آرمی چیف نشانِ امتیاز(ملٹری) نےممتازامریکی تھنک ٹینکس اور میڈیا کے ارکان سے ملاقات کے دوران اس بات پر بھی روشنی ڈالی کہ پاکستان طویل مدتی دوطرفہ تعلقات کے ذریعے امریکہ کے ساتھ مضبوط روابط کو وسیع کرنے کا خواہاں ہے۔

آئی ایس پی آر کے مطابق دورہ امریکا کے دوران سیاسی اورعسکری قیادت کے ساتھ آرمی چیف جنرل عاصم منیر کی بات چیت بہت مثبت رہی۔ آرمی چیف کی آمد پر پاکستان کے سفیر نے اُن کا استقبال کیا۔