کھاد کی قلت کیخلاف دائر درخواست پرسیکریٹری انڈسٹری پنجاب اوردیگرکو نوٹس جاری

عبدالرحمان

29th Dec, 2023. 11:25 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کھاد کی قلت کیخلاف دائر درخواست پرسیکریٹری انڈسٹری پنجاب اوردیگرکو نوٹس جاری

عدالت نے کھاد کی قلت کیخلاف دائر درخواست پرسیکریٹری انڈسٹری پنجاب اوردیگرکو نوٹس جاری کردیے۔

لاہورہائی کورٹ میں کھاد کی قلت کیخلاف دائر درخواست پر سماعت کے دوران عدالت نے سیکریٹری انڈسٹری پنجاب اوردیگرفریقین کو 12 جنوری کیلئے نوٹس جاری کردیے۔

جسٹس راحیل شیخ نے غلام عباس کی درخواست پر سماعت کرتے ہوئے کہا کہ فریقین کو تفصیلی رپورٹ پیش کرنے ہدایت کرتے ہوئے کہا کہ کسانوں کو فصلوں کیلئے کھاد کی قلت کا سامناہے، حکومت بتائے کہ کسانوں تک کھاد کیوں نہیں پہنچ رہی۔

وکیل درخواست گزارکا مؤقف تھا کہ ضلعی انتظامی افسران کھاد کسانوں کو فراہم کرنے کے اقدامات نہیں کررہے، خود ساختہ قلت پیدا کرکے کسانوں کو مہنگی کھاد دی جارہی ہے۔ کھاد کی قلت سے گندم کی پیداوار متاثر ہونے کا خدشہ ہے۔

درخواست گزارکی جانب سے مؤقف پیش کیا گیا کہ من پسند چند ڈیلرز کو کھاد کا کوٹہ فراہم کیا جارہاہے۔ شیخوپورہ میں ندیم اینڈ برادرز، نارووال اور اوکاڑہ تین ڈیلرز کو ساری کھاد دی جارہی ہے۔ یہ تینوں کھاد ڈیلرز من پسند ریٹ پر چھوٹے ڈیلرز کو کھاد دے رہے ہیں۔

درخواست گزار نے استدعا کی کہ عدالت کسانوں کو کھاد کی فراہمی یقینی بنانے کے احکامات جاری کرے۔