بگ بیش لیگ کی انتظامیہ نے ٹام کرن کی اپیل کو مسترد کر دیا ہے اور ان پر 4 میچوں کی پابندی کو برقرار رکھا ہے۔

تفصیلات کے مطابق ٹام کرن نے دوران پریکٹس امپائر محمد قریشی کے ساتھ بدتمیزی کی تھی اور منع کرنے کے باوجود وہ میچ پچ پر رن اپ پریکٹس کر رہے تھے۔

بگ بیش منتظمین نے آل راؤنڈر ٹام کرن پر 4 میچوں کی پابندی لگا دی تھی، ٹام کرن نے پابندی کے خلاف اپیل کی تھی جسے آج منتظمین نے مسترد کر دیا ہے۔

آل راؤنڈر ٹام کرن نے امپائر کے بارے میں اپنے رد عمل پر شدید افسوس کا اظہار کیا اور کہا کہ کبھی بھی ان پر حملہ کرنے کا ارادہ نہیں کیا۔

بی بی ایل نے امپائر کو ڈرانے دھمکانے پر ٹام کرن کی چار میچوں کی پابندی ختم کرنے کی اپیل مسترد کردی ہے اور سڈنی سکسرز کے آل راؤنڈر نے کہا ہے کہ انہوں نے میچ آفیشل محمد قریشی کے ساتھ جس طرح کا سلوک کیا اس پر انہیں شدید افسوس ہے۔

کرکٹ آسٹریلیا نے کرن کو 11 دسمبر کو ہوبارٹ ہریکینز کے خلاف ہوبارٹ ہریکینز کے خلاف سکسرز کے میچ سے قبل ہونے والے واقعے پر سی اے کے ضابطہ اخلاق کے تحت لیول 3 کی خلاف ورزی کا مرتکب پائے جانے کے بعد بی بی ایل کے چار میچوں کے لیے معطل کر دیا تھا۔

سڈنی سکسرز نے اس فیصلے کے خلاف اپیل کی تھی اور کپتان موئسز ہینریکس نے کہا تھا کہ وہ پابندی کو سمجھنے کے لیے جدوجہد کر رہے ہیں۔

تاہم بی بی ایل نے تصدیق کی ہے کہ کرن کی اپیل اتوار کو مسترد کردی گئی ہے اور یہ پابندی برقرار رہے گی جس کا مطلب ہے کہ آل راؤنڈر میلبورن اسٹارز، سڈنی تھنڈر اور برسبین ہیٹ کے خلاف سکسرز کے اگلے تین میچوں میں شرکت نہیں کریں گے۔

ٹام کرن 3 جنوری کو کوفز ہاربر میں ہیٹ کے ساتھ ہونے والے میچ کے لیے ایک بار پھر دستیاب ہوں گے۔