چیف الیکشن کمشنرنے چیف جسٹس پاکستان قاضی فائزعیسی سے ملاقات کی ہے، ملاقات میں جسٹس سردار طارق اور جسٹس اعجاز الاحسن اوراٹارنی جنرل بھی شریک تھے۔ 

ذرائع کا کہنا ہے کہ چیف الیکشن کمشنرسکندرسلطان راجا نے ججز کو لاہور ہائی کورٹ کے حکم امتناع سے آگاہ کیا، چیف الیکشن کمشنر کو چیف جسٹس کی جانب سے طلب کیا گیا ہے۔

چیف الیکشن کمشنر کی چیف جسٹس فائز عیسی سے ملاقات، ذرائع
براہ راست دیکھیں:https://t.co/d9lAsOIKwT#BOLNews #ElectionCommission pic.twitter.com/mXQnhyPiqG

— BOL Network (@BOLNETWORK) December 15, 2023

ذرائع سپریم کورٹ نے بتایا کہ چیف جسٹس پاکستان نے لاہور ہائی کورٹ کے حکم امتناع پر پہلے سینئرججزسے مشاورت کی، سینئر ججزسے مشاورت کے بعد اٹارنی جنرل اورچیف الیکشن کمشنر کو طلب کیا گیا۔

ذرائع کا کہنا ہے کہ چیف الیکشن کمشنر چیف جسٹس کی دعوت پر سپریم کورٹ آئے، ملاقات لاہور ہائیکورٹ کے آرڈر سے پیدا صورتحال پر ہو رہی ہے۔

آج ہی انتخابات کے معاملے پر پیشرفت کا امکان
براہ راست دیکھیں:https://t.co/d9lAsOIKwT#BOLNews #Elections2024 pic.twitter.com/wVbqa4X679

— BOL Network (@BOLNETWORK) December 15, 2023

ذرائع نے یہ بھی بتایا کہ چیف الیکشن کمشنرسکندرسلطان راجا اورسپریم کورٹ ججز کے درمیان جاری ملاقات ختم ہوگئی۔

اٹارنی جنرل حکومت سے ہدایات لیکر واپس سپریم کورٹ پہنچ گئے۔ الیکشن کمیشن کی جانب سے ہائی کورٹس کے فیصلے چیلنج کرنے کا امکان ہے، الیکشن کمیشن لاہورہائی کورٹ اوراسلام آباد ہائی کورٹ کے فیصلے چیلنج کرے گا۔

ذرائع سپریم کورٹ کا کہنا ہے کہ الیکشن کمیشن کی جانب سے اپیل آنے پر ہی بنچ تشکیل دیا جائے گا۔