اقوام متحدہ نے خبردار کیا ہے کہ سویڈن کے ایرانی نژاد شہری کو ایران میں جلد ہی سزائے موت کا سامنا کرنا پڑ سکتا ہے۔

عرب میڈیا کے مطابق اقوام متحدہ کے انسانی حقوق کے دفتر کی جانب سے جاری بیان میں کہا گیا ہے کہ ‘پریشان کن خبر یہ ہے کہ ایرانی نژاد سویڈش شہری ڈاکٹر احمد رضا جلالی کو جلد ہی پھانسی دی جا سکتی ہے۔

جلالی کو 2017 میں جاسوسی کے الزام میں سزائے موت سنائی گئی تھی جسے اسٹاک ہوم اور ان کے حامیوں نے بے بنیاد قرار دیا تھا۔

اقوام متحدہ کا کہنا ہے کہ یہ ممکنہ پھانسی دراصل  سویڈن کی ایک عدالت کی جانب سے ایک سابق ایرانی جیل اہلکار کی سزا کو برقرار رکھنے کا ردعمل ہو سکتی ہے۔

Advertisement

#Iran: Disturbing news that Dr Ahmadreza Djalali could be shortly executed on charges of  ‘enmity against God’ despite failures to respect fair trial & due process standards. Iran must stop this execution. Moratorium on all death sentences is urgently required – @volker_turk

— UN Human Rights (@UNHumanRights) December 23, 2023

اپریل 2016 میں ایران میں اپنی گرفتاری سے قبل، دجلالی بیلجیئم کی ایک تحقیقی یونیورسٹی، ورجی یونیورسٹی بروسل میں ڈیزاسٹر میڈیسن کے وزیٹنگ پروفیسر تھے۔

اقوام متحدہ کے انسانی حقوق کے دفتر کا کہنا ہے کہ منصفانہ ٹرائل اور مناسب طریقہ کار کے معیارکا احترام کرنے میں ناکامی کے باوجود ان کی سزائے موت جلد ہی دی جا سکتی ہے۔

اقوام متحدہ کا یہ بیان ان خدشات کے پیش نظر سامنے آیا ہے کہ سویڈن کی اپیل کورٹ کی جانب سے ایران کی جیل کے سابق اہلکار حامد نوری کی سزا کی توثیق کا فیصلہ ایران میں موجود متعدد سویڈش قیدیوں کی قسمت کو خطرے میں ڈال سکتا ہے۔

انسانی حقوق کی بین الاقوامی تنظیم ایمنسٹی انٹرنیشنل نے جمعے کے روز متنبہ کیا تھا کہ عدالت کی جانب سے 1988 ء میں مخالفین کے قتل عام کے دوران کیے گئے جرائم پر نوری کی عمر قید کی سزا کی توثیق کے بعد خاص طور پر دجالالی کو فوری طور پر انتقامی کارروائی کا شدید خطرہ ہے۔

62 سالہ نوری کو بین الاقوامی انسانی قانون کی سنگین خلاف ورزیوں اور قتل’ کا مجرم قرار دیا گیا تھا کیونکہ انہوں نے ایران بھر میں کم از کم پانچ ہزار قیدیوں کو ہلاک کیا تھا۔