اسرائیل کو غزہ جنگ میں بھاری قیمت چکانا پڑ رہی ہے، وزیر اعظم نیتن یاہو

ویب ڈیسک

24th Dec, 2023. 11:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل کو غزہ جنگ میں بھاری قیمت چکانا پڑ رہی ہے، وزیر اعظم نیتن یاہو

اسرائیلی وزیر اعظم بینجمن نیتن یاہو نے اعتراف کیا ہے کہ غزہ کی جنگ ان کی طرف سے بہت بھاری قیمت ادا کی جا رہی ہے۔

برطانوی خبر رساں ادارے کی خبر کے مطابق گزشتہ روز 11 اسرائیلی فوجیوں کی ہلاکت کے بعد اسرائیلی وزیر اعظم نے اعتراف کیا کہ اس جنگ میں اسرائیل بہت بھاری قیمت ادا کر رہا ہے۔

فوج کا کہنا ہے کہ جمعے سے اب تک علاقے میں ایک درجن سے زائد فوجی ہلاک ہو چکے ہیں جس کے بعد ہلاک ہونے والے فوجیوں کی تعداد 154 ہو گئی ہے۔

اس اعتراف کے باجود اسرائیلی وزیر اعظم نے کہا کہ فی الحال جنگ ختم کرنے کا کوئی ارادہ نہیں ہے، اور حماس کے خاتمے تک جنگ جاری رہے گی۔

دریں اثنا حماس کے زیر انتظام غزہ کی وزارت صحت کا کہنا ہے کہ گزشتہ روز اسرائیلی فوج کے وحشیانہ حملوں میں مزید 166 فلسطینی شہید ہو چکے ہیں۔

وزارت کا مزید کہنا تھا کہ 7 اکتوبر سے اب تک غزہ میں 20 ہزار سے زائد فلسطینی شہید اور 54 ہزار زخمی ہو چکے ہیں جن میں زیادہ تر خواتین اور بچے ہیں۔

اسرائیلی وزیر اعظم نے غزہ میں قید یرغمالیوں کی بحفاظت واپسی کو ممکن بنانے کے لیے پوری طاقت کے ساتھ حملے کرنے کا فیصلہ کیا ہے۔

اسرائیلی وزیر اعظم نے مزید کہا کہ یہ واضح رہے کہ یہ ایک طویل جنگ ہوگی۔