عازمین حج کے لیے رجسٹریشن کا آغاز، خصوصی ایپ کا استعمال

ویب ڈیسک

27th Dec, 2023. 12:11 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عازمین حج کے لیے رجسٹریشن کا آغاز، خصوصی ایپ کا استعمال

سعودی عرب کی وزارت حج و عمرہ نے غیر ملکی عازمین حج کی رجسٹریشن کے لیے خصوصی ایپ شروع کر دی ہے۔

عالمی خبر رساں ادارے کی خبر کے مطابق سعودی عرت کی حکومت نے عازمین حج کی رجسٹریشن کو آسان بنانے کے لیے ایک خصوصی ایپ ’نسک‘ شروع کی ہے جس کے ذریعے عازمین حج کی رجسٹریشن کی درخواستیں وصول کی جائیں گی۔

اس خصوصی ایپ ’نسک‘ میں مناسک حج کی ادائیگی کے خواہشمند غیر ملکی افراد ایک ای میل ایڈریس کے ذریعے اپنا اکاؤنٹ بنا سکتے ہیں اور اپنی تفصیلات اپنے ملک کا انتخاب کر کے فراہم کر سکتے ہیں۔

سعودی عرب کی سرکاری خبر رساں ایجنسی کا کہنا ہے کہ ’نسک‘ ایشیا، جنوبی امریکہ، یورپ، افریقہ، شمالی امریکہ اور اوشیانہ کے براعظموں کے عازمین حج اور ان کے اہل خانہ کے لیے بنائی گئی ہے جو اس کے ذریعے اپنی رجسٹریشن باآسانی کر سکتے ہیں۔

سعودی وزارت حج و عمرہ کے ترجمان کے مطابق ’نسک‘ پر مختلف درجات کے حج پیکجز موجود ہیں، ان پیکجز کی خدمات کمپنیاں فراہم کرتی ہیں، اور اس حوالے سے ایپ پر نگرانی کا خصوصی میکانزم موجود ہے۔

واضح رہے کہ گزشتہ سال ریکارڈ 16 لاکھ 60 ہزار سے زائد غیر ملکی افراد نے مناسک حج کی ادائیگی کی تھی۔