لاہورہائیکورٹ نے چیف سیکریٹری پنجاب کو سانحہ جڑنوالہ کے متاثرین کی درخواست کاجلد فیصلہ کرنے کی ہدایت کردی.

تفصیلات کے مطابق سانحہ جڑانوالہ کے متاثرین کو معاوضہ جات کی عدم ادائیگی کےخلاف کیس کی سماعت ہوئی، لاہورہائیکورٹ کےجسٹس شاہد بلال حسن نے سماعت کی جس میں اسسٹنٹ ایڈووکیٹ جنرل ستار ساحل کی جانب سے درخواست مسترد کرنے کی استدعاکی گئی۔ انہوں نے کہاکہ حکومتی گرانٹ کےحوالے سے درخواست کے ہمراہ کوئی دستاویزی ثبوت لف نہیں کیاگیا۔

درخواست گزارگاسپل بائبل فیلوشپ چرچ کےوکیل شہباز سرویہ نے دلائل دیے، کہاکہ جڑانوالہ سانحہ میں متاثرہ اقلیتوں کی قیمتی املاک اوراشیاء خاکستر ہوئیں۔ حکومتی اعلان کردہ معاوضہ کی جانچ پڑتال کےلئے متاثرین نے ڈی سی سے رجوع کیا، ڈی سی کی جانب سے متاثرہ خاندانوں کومعاوضہ فراہم نہیں کیاجارہا۔

وکیل درخواست گزارنے کہا کہ استدعاہےعدالت حکومتی اعلان کردہ معاوضہ کی رقم فوری طورپر متاثرین میں تقسیم کرنے کاحکم دے جس پرہائی کورٹ نے چیف سیکرٹری پنجاب کو متاثرین کی درخواست کاجلد فیصلہ کرنے کی ہدائت کرتے ہوئے درخواست نمٹا دی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/  کولائک کریں۔ ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔