بالی ووڈ کے سپر اسٹار شاہ رخ خان کی فلم ’ڈنکی‘ تھیٹر میں ریلیز ہونے کے چند گھنٹوں کے دوران ہی پائریسی کا شکار ہوگئی ہے۔

غیر ملکی خبر رساں ادارے کی رپورٹ میں بتایا گیا ہے کہ رواں سال شاہ رخ خان کی ریلیز ہونے والی آخری فلم ’ڈنکی‘ بھی مختلف ویب سائٹس پر آن لائن لیک ہوگئی ہے۔

رپورٹ کے مطابق یہ فلم ایچ ڈی کوالٹی میں آن لائن مختلف ویب سائٹس پر ڈاؤن لوڈ کرنے کے لئے دستیاب ہے جو کہ باکس آفس پر ہونے والے بزنس کے لئے متاثر کن ثابت ہے۔

باکس آفس پر شاہ رخ خان کی ڈنکی اور پربھاس کی سالار ٹکرائیں گی اور ایسے میں فلم کی اور ایسے میں پائریسی کی وجہ سے بڑی تعداد میں ٹکٹوں کی فروخت متاثر ہوسکتی ہے۔

مووی پائریسی کا مقابلہ کرنے کے لیے ماضی میں متعدد اقدامات کیے گئے ہیں تاہم ہر بار ایک  بلاک بسٹر فلم کو ایسی صورتحال کا سامنا کرنا پڑتا ہے۔

خاص طور پر فلم کی تھیٹر میں ریلیز سے چند گھنٹے قبل سائٹ پر بڑے پروجیکٹس کے پائریٹڈ ورژن ریلیز کرنے کے لیے جانا جاتا ہے۔

خیال رہے کہ راجکمار ہیرانی کی ہدایت کاری میں بننے والی اس فلم میں شاہ رخ خان کے علاوہ بومن ایرانی کے ساتھ تاپسی پنو، وکی کوشل، وکرم کوچر اور انیل گروور ان کے چار دوستوں کے کردار میں ہیں۔ یہ فلم ‘ڈونکی فلائٹ’ نامی ایک غیر قانونی بیک ڈور راستے کے تصور پر مبنی ہے۔