دوحہ فورم سے خطاب کرتے ہوئے روسی وزیر خارجہ نے غزہ کی صورتحال کی بین الاقوامی نگرانی کا مطالبہ کیا۔

عالمی خبر رساں ادارے کی خبر کے مطابق روسی وزیر خارجہ نے کہا ہے کہ یہ ناقابل قبول ہے کہ اسرائیل غزہ میں فلسطینیوں کو اجتماعی سزا دینے کے جواز کے طور پر حماس کے 7 اکتوبر کے حملے کو استعمال کر رہا ہے.

روسی وزیر خارجہ نے محصور علاقے میں زمینی صورتحال کی بین الاقوامی نگرانی کا مطالبہ کیا ہے۔

آج دوحہ فورم سے ورچوئل خطاب کرتے ہوئے سرگئی لاوروف نے عالمی خبر رساں ادارے  کے سفارتی مدیر جیمز بیز کو بتایا کہ حماس کی جانب سے اسرائیلی علاقے میں بے مثال حملہ کسی خلا میں نہیں ہوا۔

سرگئی لاوروف نے کہا کہ اس کی وجہ غزہ میں دہائیوں کی ناکہ بندی اور کئی دہائیوں سے فلسطینیوں سے کیے گئے وعدوں کو پورا کرنا ہے کہ ان کے پاس ایک ریاست ہوگی جو سلامتی اور اچھے ہمسایوں میں اسرائیل کے شانہ بشانہ رہے گی۔

غزہ میں 7 اکتوبر سے اب تک کم از کم 17,700 فلسطینی شہید ہو چکے ہیں جن میں سے 70 فیصد خواتین اور بچے ہیں، جس کے بعد انسانی حقوق کے اداروں اور ماہرین نے اسے ‘نسل کشی’ قرار دیا ہے۔

اسرائیل میں حماس کے حملے میں ہلاک ہونے والوں کی سرکاری تعداد 1,147 ہے۔

قطر کے دارالحکومت دوحہ میں منعقد ہونے والے دو روزہ عالمی اجلاس دوحہ فورم سے خطاب کرتے ہوئے روسی وزیر خارجہ سرگئی لاوروف نے کہا کہ غزہ میں جاری جنگ ایک تاریخ کو مسخ کرنے کے مترادف ہے.