گزشتہ روز اسرائیلی حملے میں شہید ہونے والے کویتی میڈیا گروپ کے کیمرہ مین سمیر ابودافہ کو جنوبی غزہ میں سپرد خاک کر دیا گیا۔

کویتی میڈیا کے مطابق خان یونس میں اسرائیلی ڈرون حملے میں جاں بحق ہونے والے کیمرہ مین کی نماز جنازہ ادا کر دی گئی جس میں اہل خانہ، دوست احباب اور ساتھی شریک ہوئے۔

صحافیوں سمیت درجنوں سوگواروں نے اسرائیلی ڈرون حملے میں ہلاک ہونے والے کیمرہ مین کو خراج عقیدت پیش کیا ہے۔

ان کی آخری رسومات ہفتہ کے روز خان یونس شہر میں ادا کی گئیں۔ ابوداقہ کے اہل خانہ، دوستوں اور ساتھیوں نے روتے ہوئے الوداع کیا جب ان کی لاش کو لحد میں اتارا گیا تھا۔

غزہ میں کویتی میڈیا کے کیمرہ مین ابوداقہ خان یونس کے فرحانہ اسکول میں رپورٹنگ کے دوران اسرائیلی ڈرون حملے کا نشانہ بنے۔ ان کے ساتھی نامہ نگار وائل دہدوح، جنہوں نے گزشتہ اسرائیلی بمباری میں اپنی بیوی، بیٹا، بیٹی اور پوتا کھو دیا تھا، زخمی ہو گئے۔

زخمی نامہ نگار وائل دہدوح نے کہا کہ غزہ میں صحافی جاری جنگ کے دوران دنیا کے لیے ‘انسانی اور نیک پیغام’ لے کر جا رہے ہیں اور اسرائیلی حملوں کے باوجود اپنا کام جاری رکھیں گے۔

جمعے کے روز نامہ نگار وائل دہدوح کے اوپری بازو پر چھرے لگے اور وہ اکیلے ناصر اسپتال جانے میں کامیاب رہے جہاں انہیں معمولی چوٹیں آئیں۔ انہوں نے کہا کہ نیٹ ورک کا عملہ شہری دفاع کے امدادی کارکنوں کے ساتھ ایک خاندان کو اس کے گھر پر بم باری کے بعد نکالنے کے مشن پر تھا۔

نامہ نگار وائل دہدوح نے ہسپتال کے بستر سے کہا کہ ہم نے تباہ کن تباہی کو ریکارڈ کیا اور ایسے مقامات پر پہنچ گئے جہاں اسرائیلی زمینی آپریشن شروع ہونے کے بعد سے کسی بھی کیمرے کے عینک سے نہیں پہنچا گیا تھا۔