نیوزی لینڈ کے خلاف ڈھاکا میں کھیلے جا رہے دوسرے ٹیسٹ کے دوران بنگلا دیش کے وکٹ کیپر بیٹر مشفق الرحیم دوران بیٹنگ گیند کو ہاتھ سے روکنے پر آؤٹ قرار دے دیے گئے۔

بنگلادیش کی پہلی اننگز کے 41 ویں اوور میں بیٹنگ کے دوران مشفق الرحیم نے وکٹوں کی طرف آنے والی گیند کو اپنے ہاتھ سے روکا جس پر کیوی کھلاڑیوں نے آؤٹ کی اپیل کی۔ فیلڈ امپائرز نے فیصلہ تھرڈ امپائر کو بھیجا جنہوں نے ویڈیو دیکھنے کے بعد مشفق الرحیم کو آؤٹ قرار دیا۔

آئی سی سی نے 2017 میں اپنے قوانین میں ترمیم کی جس کے مطابق آن دی فیلڈ گیند کے ساتھ چھیڑ چھاڑ کرنے پر جرمانہ عائد کیا جائے گا اور گیند کو جان بوجھ کر روکنے والے بیٹر کو واپس ڈریسنگ روم بھیج دیا جائے گا۔

Mushfiqur Rahim becomes the first Bangladesh player to be dismissed for handling the ball.pic.twitter.com/cMdWVcNpNt

Advertisement

— CricTracker (@Cricketracker) December 6, 2023

تھرڈ امپائر نے قرار دیا کہ مشفق الرحیم نے جان بوجھ کر ہاتھ سے گیند کو روکنے کی کوشش کی، بنگلا دیشی بیٹر کو 35 رنز کر آؤٹ قرار دیا گیا۔

خیال رہے کہ 2017 میں آئی سی سی قوانین میں ترامیم کے بعد مشفق الرحیم پہلے بیٹر ہیں جنہیں گیند جان بوجھ کر روکنے پر آؤٹ قرار دیا گیا جب کہ آئی سی سی کی ٹیسٹ کرکٹ کی تاریخ میں اب تک 7 کھلاڑیوں کو گیند روکنے پر آؤٹ قرار دیا جاچکا ہے۔

قبل ازیں آئی سی سی ورلڈکپ 2023 کے دوران بنگلادیشی کپتان شکیب الحسن نے سری لنکن بیٹر انجیلو میتھیوز کی پہلی بار ٹائم آؤٹ پر وکٹ حاصل کی تھی۔ جس پر تنازع ہوا تھا تاہم میتھیوز کو امپائرز نے آؤٹ قرار دیا تھا۔

واضح رہے کہ سال 2017 میں آئی سی سی قوانین میں تبدیلی کے بعد فیلڈ میں رکاوٹ ڈالنے پر آؤٹ ہونے والے مشفق الرحیم پہلے کھلاڑی بن چکے ہیں۔