عالمی سطح پر کھیلوں کا سامان بنانے والی معروف کمپنی نےاسرائیل کی قومی فٹ بال ٹیم کی اسپانسر شپ ختم کرنے کا اعلان کر دیا ہے۔

عالمی خبر رساں ادارے کی خبر کے مطابق معروف اسپورٹس برانڈ کمپنی نے سال 2024 میں اسرائیل کی قومی فٹ بال ٹیم کی اسپانسر شپ ختم کرنے کا اعلان کر دیا ہے۔

کمپنی کا کہنا ہے کہ گزشتہ سال سے منصوبہ بند اس اقدام کا غزہ پر اسرائیل کی جنگ کے دوران اس کے خلاف بائیکاٹ کی کال سے کوئی تعلق نہیں ہے۔

جرمنی سے تعلق رکھنے والی کمپنی کے ترجمان نے کہا کہ اس اقدام کی منصوبہ بندی گزشتہ سال سے کی گئی تھی اور اس کا غزہ جنگ کے دوران اسرائیل کے خلاف صارفین کے بائیکاٹ کی کال سے کوئی تعلق نہیں ہے۔

کمپنی کو طویل عرصے سے اسرائیل فٹ بال ایسوسی ایشن (آئی ایف اے) کے ساتھ اپنے برانڈ اتحاد پر بائیکاٹ کے مطالبات کا سامنا ہے، لیکن غزہ میں اسرائیل کے دو ماہ کے حملے کے دوران اس طرح کے مطالبات میں شدت آئی ہے، جس میں 18 ہزار سے زیادہ فلسطینی شہید ہو چکے ہیں۔

عالمی خبر رساں ادارے کو ای میل کیے گئے ایک بیان میں کمپنی کے ترجمان نے کہا کہ سربیا اور اسرائیل سمیت متعدد فیڈریشنز کے ساتھ کمپنی کے معاہدوں کی میعاد 2024 میں ختم ہونے والی ہے اور ان کی تجدید نہیں کی جائے گی۔

ترجمان نے کہا کہ کمپنی جلد ہی متعدد نئی قومی ٹیموں کے ساتھ معاہدوں کا اعلان کرے گا، جو اپنی کم بڑی اور بہتر حکمت عملی کا حصہ ہے۔

اخبار کی رپورٹ کے مطابق میمو کہا گیا ہے کہ کمپنی دیگر تمام موجودہ شراکت داریوں کے ساتھ ساتھ کسی بھی آنے والے مواقع کا جائزہ لینا جاری رکھیں گے تاکہ اس بات کو یقینی بنایا جاسکے کہ ہمارے پاس قومی ٹیموں کی مضبوط فہرست موجود ہے۔

معروف اسپورٹس برانڈ نے پہلی بار 2018 میں کھلاڑیوں کو کٹ فراہم کرنے کے لئے آئی ایف اے کے ساتھ اپنے معاہدے پر دستخط کیے تھے۔