انگلینڈ کرکٹ ٹیم کے کپتان بین اسٹوکس نے بھارت کے خلاف کامیابی کو اپنی کیریئر کی سب سے بڑی فتح قرار دے دیا ہے۔

انگلینڈ اور بھارت کی ٹیموں کے درمیان ٹیسٹ سیریز کا پہلا میچ حیدرآباد کے راجیو گاندھی انٹرنیشنل اسٹیڈیم میں کھیلا گیا۔

اولی پوپ اور ٹام ہارٹلے کی شاندار بیٹنگ کی بدولت انگلینڈ نے بھارت کو 28 رنز سے شکست دی جب کہ انگلش کپتان نے جیت کو اپنی کیریئر کی سب سے بڑی فتح قرار دیا ہے۔

بین اسٹوکس کہتے ہیں ’’ہم نے بطور ٹیم زبردست جیت اپنے نام کی ہے، جب سے میں کپتان بنا ہوں یہ ہماری سب سے بڑی فتح ہے‘‘۔

انہوں نے کہا کہ ہم جانتے تھے بھارت ہوم گراؤنڈ پر کتنی خطرناک ہوسکتی ہے لیکن ہم نے جس طرح سے پرفارم کیا یہ ہماری دو سالہ محنت کا صلہ ہے‘‘۔

خیال رہے کہ بھارت 190 رنز کی برتری حاصل کرنے کے بعد میچ میں واپس آ گیا تھا لیکن پوپ کی 196 رنز کی شاندار اننگز کی بدولت انگلینڈ نے دوسری اننگ میں 420 رنز بناکر میچ کا پانسہ اپنے حق میں پلٹ دیا۔

دوسری اننگز میں میزبان ٹیم کو میچ جیتنے کے لیے 231 رنز کی ضرورت تھی لیکن ہارٹلے نے اپنے ڈیبیو ٹیسٹ میں 62 رنز دے کر 7 وکٹیں حاصل کیں جس کی بدولت بھارت آخری سیشن میں 202 رنز پر آؤٹ ہوگیا۔