پاک فضائیہ کے سربراہ ایئر چیف مارشل ظہیر احمد بابر سدھو سے امریکی سفیر ڈونلڈ بلوم نے ملاقات کی۔

تفصیلات کے مطابق سربراہ پاک فضائیہ ایئر چیف مارشل ظہیر احمد بابر سدھو سے امریکی سفیر ڈونلڈ بلوم نے ملاقات کی جس میں مشترکہ فضائی مشقوں کے ذرئعے تعاون و تربیتی شعبے کو فروغ دینے پر اتفاق کیا گیا۔

ملاقات میں تربیتی شعبے کے فروغ کے لیے تکنیکی صلاحیتوں اور وفود کے تبادلے کی اہمیت پرگفتگو کی ئی۔

پاک فضائیہ کی جانب سےحال ہی میں قائم ٹیکنو پارکس میں تعاون پر مکمل اتفاق پر زور دیا گیا۔

ملاقات میں آپریشنل تیاریوں کومزید مستحکم کرنے کے لیے تکنیکی ترقی کو بروئے کار لانے پر زور دیا گیا۔

ائیرچیف ظہیر احمد بابر سدھو نے امریکہ کے ساتھ خوشگوارتعلقات کونئی بلندیوں تک لے جانے کے اپنے بھرپورعزم کا اعادہ کیا۔

ایئر چیف مارشل نے کہا کہ امریکہ کے ساتھ مضبوط سفارتی، اقتصادی اور دفاعی تعلقات کو قدر کی نگاہ سے دیکھتے ہیں۔

ظہیر احمد بابر سدھو نے کہا کہ پاک امریکہ تعلقات تمام اہم امورمیں باہمی اتفاق رائے پرقائم ہیں۔

ملاقات میں امریکی سفیر نے پاک فضائیہ کےاہلکاروں کی پیشہ ورانہ مہارت کی تعریف کی۔

امریکی سفیر ڈونلڈ بلوم کا کہنا تھا کہ پاکستان کی جانب سے خودانحصاری کےمیدان میں کی گئی نمایاں پیش رفت قابل تحسین ہے۔