توشہ خانہ کیس میں دائر ریفرینس کی چارچ شیٹ کی تفصیلات سامنے آ گئی ہیں، جس میں بانی پی ٹی آئی نے غیر قانونی تحائف اپنے پاس رکھ لیے تھے۔

تفصیلات کے مطابق توشہ خانہ ریفرنس چارج شیٹ کی تفصیلات سامنے آگئی سابق وزیر اعظم و بانی چیئرمین پی ٹی آئی نے 108 میں سے 58 تحائف غیر قانونی طورپر اپنے پاس رکھ لئے تھے۔

تحائف کی قیمت بھی کم ظاہر کی گئی گراف جیولری کی دباو میں کم قیمت لگانے والے صہیب عباسی وعدہ معاف گواہ بن گئے۔

تفصیلات کے مطابق وزارت عظمی کے دوران بانی چیئرمین پی ٹی آئی اور بشری بی بی کو مختلف سربراہان مملکت کی جانب سے 108 تحائف ملے۔

ان 108 تحائف میں سے 58 تحائف ملزمان نے رکھ لیے اور ان تحائف کی کم مالیت ظاہر کرکے رکھے گئے۔

ملزمان نے سعودی ولی عہد سے ملنے والا جیولری سیٹ بھی کم مالیت پر حاصل کیا اور بشری بی بی نے سعودی ولی عہد سے ملنے والا جیولری سیٹ توشہ خانہ میں جمع نہیں کروایا۔

ملزمان تحائف توشہ خانہ میں جمع کرواںے کے پابند تھے،رولز کے مطابق ہر تحفہ توشہ خانہ میں جمع کرانا ہوتا ہے۔

سعودی عرب سے ملا تحفہ ملٹری سیکریٹری وزیراعظم نے 2020 میں رپورٹ کیا جو گراف جیولری سیٹ کو رپورٹ کرنے کے بعد قانون کے مطابق جمع نہیں کرایا گیا۔

بانی پی ٹی آئی اور بشری بی بی نے مجموعی طور پر 58 تحفے پاس رکھے۔

نیب نے تحقیقات میں پرائیویٹ مارکیٹ سے بھی تخمینہ لگوایا اور تحقیقات میں ثابت ہوا گراف جیولری سیٹ کی کم قیمت لگائی گئی۔

گراف جیولری گفٹ کی قیمت کا تخمینہ لگانے والے صہیب عباسی وعدہ معاف گواہ بن گئےاور بیان دیا کہ دباؤ میں آکرگراف جیولری گفٹ کی کم قیمت لگائی، صہیب عباسی کی خدمات پرائیوٹ طور پر کی گئیں تھیں۔

توشہ خانہ ریفرنس میں نیب گواہان کی فہرست سامنے آگئی، نیب بانی پی ٹی آئی اور بشری بی بی کیخلاف 20 گواہ پیش کرے گا جبکہ تحفے کا پرائیویٹ طور پر تخمینہ لگانے والے صہیب عباسی بطور وعدہ معاف گواہ پیش ہوں گے۔

گواہان کی فہرست میں ایک وعدہ معاف گواہان سابق وزیراعظم کےملٹری سیکرٹری اور ڈپٹی ایم ایس ڈپٹی قونصلیٹ جنرل دبئی رحیم اللہ، توشہ خانہ کے سیکشن افسران بھی گواہی دیں گے۔

پی ایم آفس کے اسسٹنٹ سیکرٹری پروٹوکول زاہد سرفراز بھی نیب کے گواہ ہیں۔