شدید برفباری اور شدید بارشوں کے باعث جرمنی میں 500 سے زائد پروازیں منسوخ کر دی گئی ہیں۔

عالمی خبر رساں ادارے کی خبر کے مطابق آج جرمنی بھر میں شدید برفباری اور شدید بارشوں کے باعث 500 پروازیں اور ٹرینیں منسوخ کردی گئیں، برفیلی سڑکوں پر حادثات ہوئے جبکہ اسکول بھی بند رہے۔

جرمنی بھر میں بہت سے اسکول اور کنڈر گارٹن دن بھر کے لئے بند ہیں ، اور کچھ کمپنیوں نے اپنے ملازمین کو گھر سے کام کرنے کا آپشن پیش کیا ہے۔

جرمنی کے سب سے بڑے فرینکفرٹ ہوائی اڈے پر 500 سے زائد پروازیں منسوخ کردی گئیں جبکہ میونخ میں 250 سے زائد پروازیں منسوخ کردی گئیں۔

مغربی جرمنی میں ساربروکین ہوائی اڈے کو دن بھر کے لیے بند کر دیا گیا جبکہ ڈوسلڈورف اور کولون/بون ہوائی اڈے بھی تاخیر اور منسوخی سے متاثر ہوئے۔

نیشنل ٹرین آپریٹر ڈوئچے بان نے طویل فاصلے کے متعدد کنکشن منسوخ کردیئے اور اعلان کیا کہ شدید موسم کی وجہ سے اس کی تیز رفتار آئی سی ای ٹرین کی زیادہ سے زیادہ رفتار 200 کلومیٹر فی گھنٹہ تک محدود ہوگی۔

جرمنی کے مغربی اور جنوبی علاقوں میں ہونے والی شدید بارشوں کی وجہ سے بدھ کی علی الصبح برفانی سڑکوں پر بے شمار حادثات پیش آئے۔

احتیاط کے طور پر ملک میں بہت سے اسکول اور کنڈر گارٹن دن بھر کے لیے بند رہے اور کچھ کمپنیوں نے اپنے ملازمین کو گھر سے کام کرنے کا آپشن پیش کیا۔