ٹیم کی طرح ذکاء اشرف بھی ہمت ہار بیٹھے، مینجمنٹ کمیٹی سے استعفیٰ دے دیا

ویب ڈیسک

19th Jan, 2024. 08:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیم کی طرح ذکاء اشرف بھی ہمت ہار بیٹھے، مینجمنٹ کمیٹی سے استعفیٰ دے دیا

قومی کرکٹ ٹیم کی آسٹریلیا اور نیوزی لینڈ میں عبرت ناک شکستوں کے بعد کھلاڑیوں کی طرح ذکاء اشرف نے بھی ہاتھ کھڑے کر دیئے۔

تفصیلات کے مطابق پاکستان کرکٹ بورڈ کی مینجمنٹ کمیٹی کے سربراہ ذکاء اشرف نے اپنے عہدے سے استعفیٰ دے دیا ہے۔

ذرائع کے مطابق ایک ہفتہ قبل نگراں حکومت نے اسی مینجمنٹ کمیٹی کو اپنا کام جاری رکھنے کی ہدایت کی تھی، مگر ذکاء اشرف نے اس کے باوجود پی سی بی کے ایوان سے نکلنے کا فیصلہ کیا ہے۔

ذکاء اشرف نے اپنا استعفیٰ نگراں وزیر اعظم انوار الحق کاکڑ کو بھیج دیا ہے۔

ذرائع کے مطابق ذکاء اشرف نے اپنا استعفیٰ آج مینجمنٹ کمیٹی کے اجلاس میں پیش کیا، کمیٹی کے ممبران نے انہیں استعفیٰ دینے سے منع کیا لیکن ان کا کہنا تھا کہ جب کام نہیں کرنے دیا جائے گا تو اس عہدے کا کیا فائدہ۔

ایک طرف قومی کرکٹ آسٹریلیا کے بعد نیوزی لینڈ میں شکستوں کے بھنور میں پھنسی ہوئی ہے تو دوسری طرف کرکٹ کے انتظامی امور کی قیادت کرنے والے بھی علیحدہ ہو گئے ہیں۔

ذرائع کے مطابق ذکاء اشرف کا استعفیٰ پاکستان کرکٹ کے حلقوں میں غیر معمولی طور پر حیرت کا باعث ہے۔