سام سنگ صرف اسمارٹ فون آئی پیڈزاور ٹیب لیٹ ہی نہیں بلکہ اس کے علاوہ بھی بہت تیزی سے بڑی اسکرین ایل سی ڈی ڈسپلیز اور دیگر ٹیکنالوجی کی طرف بھی اپنی توجہ مرکوز کررہا ہے یہی وجہ ہے کہ اب اس نے امریکا کے کنزیومرالیکڑانک شو میں دنیا کا پہلا ایسا ڈسپلے متعارف کرایا ہے جو انتہائی شفاف یعنی ٹرانس پیرنٹ ہے جس کے آر پار بھی دیکھا جاسکتا ہے

یہ ڈسپلے ٹرانس پیرنٹ مائیکرو ایل ای ڈی پر مشتمل ہے اورشو میں اس کے برابر میں روایتی مائیکرو ایل ای ڈیز کے ڈسپلے بھی رکھے گئے تھے تاکہ دیکھنے والے دونوں کو اچھی طرح دیکھ کر فرق محسوس کر سکیں۔

ان تمام تفصیلات کے باوجود سام سنگ نے ابھی تک اپنے اس شاہکار کی قیمت کے بارے کوئی بات نہیں کی، اور نہ ہی سی ای ایف یعنی کنزیومر الیکٹرانک شو 2024 میں اس کی قیمت کے بارے میں کوئی اعلان کیا ہے۔

سام سنگ کے اس شفاف ترین ایل ای ڈی کے اطراف میں کوئی فریم نہیں ہے اور بند ہونے کی صورت میں آپ اس کے آر پار دیکھ سکتے ہیں جبکہ اگر یہ چل رہا ہوتب بھی اس کے آر پار دیکھا جاسکتا ہے اور ساتھ ہی سامنے کی جانب اس کا ڈسپلے نظر آتا ہے لیکن سام سنگ نےابھی تک نہ تو اس کی قیمت کے بارے میں کوئی اعلان کیا ہے اور نہ ہی یہ بتایا ہے کہ یہ ڈسپلے کب مارکیٹ میں فروخت کے لیے پیش کیا جائے گا۔

سام سنگ نے دوسری جانب گھریلوآلات کی مارکیٹ کو کیپچر کرنے کے لیے بھی بہت ساری مصنوعات پیش کی ہیں سب سے بڑھ سام سنگ نے اپنے اسمارٹ فون سام سنگ گلیکسی ایس 24 کے اندر مصنوعی ذہانت یا اے آئی کے بہت سارے فیچرز متعارف کرائے ہیں۔

اس کے علاوہ اسی نمائش میں گھریلو واشنگ مشین اسمارٹ اے آئی ریفریجریٹراور بہت سارے کوکر اور چولہے بھی پیش کیے ہیں۔

دلچسپ کی بات یہ ہے اسٹاک مارکیٹ یعنی حصص بازار میں ان تمام ایجادات کے اعلان کے بعد سام سنگ کے شیئرز میں 4.6 فیصد کا ایک بڑا اضافہ ہوا ہے۔