آسٹریلیا میں ہزاروں ہزاروں مظاہرین نے مطالبہ کیا کہ سالانہ آسٹریلیا ڈے کی تقریبات کی تاریخ تبدیل کی جائے۔

تفصیلات کے مطابق آسٹریلیا میں 200 سال قبل یورپی نوآبادیات کی آمد کے موقع پر ہونے والی متنازع قومی تعطیل جو ہر سال 26 جنوری کو ہوتی ہے کے خلاف ہزاروں آسٹریلوی شہری سڑکوں پر نکل آئے۔

سڈنی، میلبورن اور کئی دیگر شہروں میں آج ہزاروں مظاہرین نے مطالبہ کیا کہ آسٹریلیا ڈے کی سالانہ تقریبات کی تاریخ تبدیل کی جائے۔

زیادہ تر آسٹریلوی باشندوں کے لئے یہ ایک دن کی چھٹی، باربیکیو، ٹیسٹ میچ کرکٹ، ساحل سمندر کا سفر اور موسم گرما کی تعطیلات کے اختتام کے مترادف ہے.

لیکن تاریخ کی کتابوں کے مطابق یہ دن 1788 میں سڈنی ہاربر پر یورپی آباد کاروں کی آمد کے طور پر منایا جاتا ہے۔

مقامی کارکنوں کا کہنا ہے کہ یورپی باشندوں کی آمد نے ثقافتی نسل کشی کی صدیوں پر محیط مہم کا آغاز کیا۔

سڈنی میں مظاہرین نے 38 سینٹی گریڈ گرمی اور سخت جنوبی دھوپ کا مقابلہ کرتے ہوئے سیاہ، سرخ اور پیلے رنگ کے آدیواسی جھنڈے لہرائے اور نعرے لگائے کہ یہ سرزمین ہمیشہ دیسی تھی اور ہمیشہ دیسی رہے گی۔

رائے عامہ کے جائزوں سے پتہ چلتا ہے کہ آسٹریلیا کی اکثریت عام تعطیل برقرار رکھنا چاہتی ہے، لیکن تاریخ تبدیل کرنے کے بارے میں عوام تقریبا 50-50 منقسم ہیں.