پاکستانی نژاد انگلش کھلاڑی کو بھارتی ویزا حاصل کرنے میں مشکلات کا سامنا

ویب ڈیسک

23rd Jan, 2024. 04:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی نژاد انگلش کھلاڑی کو بھارتی ویزا حاصل کرنے میں مشکلات کا سامنا

پاکستانی نژاد انگلش بولر شعیب بشیر کو بھارتی ویزا حاصل کرنے میں مشکلات کا سامنا ہے۔

انگلینڈ کے ہیڈ کوچ برینڈن میک کولم نے پیر کو بتایا کہ انگلینڈ کے بولر شعیب بشیر کی پانچ میچوں کی ٹیسٹ سیریز کے لیے بھارت آمد ویزا مسائل کی وجہ سے تاخیر کا شکار ہوگئی ہے۔

انہوں نے کہا ’’شعیب کے ویزہ میں کچھ مسائل درپیش ہیں، ہمیں بھارتی کرکٹ بورڈ اور ان کی حکومت پر یقین ہے کہ وہ ان مسائل کو جلد حل کرلیں گے‘‘۔

میک کولم کا کہنا تھا کہ ہمیں امید ہے کہ آج ہی کوئی اچھی خبر سننے کے ملے گی اور 20 سالہ کھلاڑی منگل کو ٹیم کو جوائن کرلیں گے۔

لندن میں بھارتی ہائی کمیشن کی ویب سائٹ کے مطابق پاکستانی نژاد افراد کو بھارتی ویزا حاصل کرنے کے لیے اضافی تفصیلات جمع کرانے کی ضرورت ہوتی ہے۔

واضح رہے کہ انگلینڈ کے بولر شعیب بشیر کا تعلق پاکستان سے ہے جب کہ وہ جمعرات سے حیدر آباد میں شروع ہونے والی سیریز میں انگلینڈ ٹیم کا حصہ ہیں۔