بلوچ یکجہتی کمیٹی کی ماہ رنگ بلوچ کا ریاست مخالف پروپیگنڈا بے نقاب ہو گیا۔

امن دشمن بھارت طویل عرصے سے پاکستان بالخصوص بلوچستان کے نوجوانوں کو گمراہ کر کے اپنے مذموم عزائم کے حصول کے لیے استعمال کر رہا ہے۔ اسی تناظر میں بلوچستان سے تعلق رکھنے والی خاتون ماہ رنگ بلوچ ہے جو کہ بلوچوں کے حقوق اور مظلومیت کالبادہ اوڑھ کر مخالف دھرنے میں شریک ہے۔

تازہ ترین ویڈیو میں دیکھا اور سنا جاسکتا ہے کہ ماہ رنگ بلوچ ایران میں کیے جانے والے اسٹرائیک میں ہلاک بلوچ دہشتگردوں کے حوالے سے دھرنے سے خطاب میں اقرار کر رہی ہے کہ آپ سب کو اس بات کا اندازہ ہے کہ ایران میں جولوگ مارے گئے ہیں ان کے لواحقین دھرنے میں موجود ہیں۔

ماه رنگ بلوچ کاریاست مخالف پرو پیگنڈا بے نقاب
تہلکہ خیز انکشافات سامنے آگئے
براہ راست دیکھیں:https://t.co/2rQ0dUgAKG#BOLNews #MahragBaloch pic.twitter.com/RmQx99BKSr

Advertisement

— BOL Network (@BOLNETWORK) January 19, 2024

ماہ رنگ بلوچ کا یہ بیان اس بات کی واضح عکاسی کرتا ہے کہ پاکستان میں دہشتگردی کرنے والے بی ایل اے اور بی ایل ایف کے دہشتگرد ایران میں روپوش ہیں جہاں سے پاکستان کیخلاف دہشتگردانہ کارروائیاں کرتے ہیں۔ کچھ عرصہ قبل ہلاک کیے جانے والے دہشتگرد بالاچ اوراس جیسے بہت سے دہشتگردوں کی نمائندگی کرنے والی ماہ رنگ بلوچ بالآخرسچ زبان پرلے ہی آئیں۔

ریاست کا روزاول سے یہی مؤقف ہے کہ یہ دہشت گرد عناصر گھروں سے بھاگ کر بیرون ممالک بالخصوص ایران اور افغانستان میں روپوش ہیں۔

ماه رنگ بلوچ کاریاست مخالف پرو پیگنڈا بے نقاب
براہ راست دیکھیں:https://t.co/wICt1vhBsr#BOLNews #MahragBaloch pic.twitter.com/YQVATQ4UPf

Advertisement

— BOL Network (@BOLNETWORK) January 19, 2024

ایسے میں پاکستان دشمن دہشتگردوں کے لئے ”بلوچ یکجہتی کمیٹی“ کا احتجاجی مظاہرہ عام فہم سے بالاتر ہے۔ بلوچ یکجہتی کمیٹی کی ماہ رنگ بلوچ جو عبدالغفارلانگو کی بیٹی ہے، جو بی ایل کا سرغنہ اور ریاستی اداروں پر لاتعداد حملوں میں ملوث تھا۔

ماہ رنگ بلوچ نے نہ صرف ریاستی وظیفے پرتعلیم حاصل کی بلکہ تعلیم مکمل کرنے کے بعد سے اب تک وہ سرکاری تنخواہ کے ساتھ ساتھ متعدد مراعات سے بھی استفادہ کر رہی ہیں۔ ماہ رنگ بلوچ ملک دشمن عناصر کی ایما پرجو ریاست مخالف پروپیگنڈا کررہی ہےہیں وہ آج آشکار ہو گئی ہے۔

سوال یہ ہے کہ مسنگ پرسن کے نام پر جو پروپگینڈا کیا جا رہا ہے وہ تمام افراد راستہ بلوچستان ایران بھاگ کر روپوش ہو گئے ہیں؟ یہ تمام افراد پاکستان مخالف دہشت گرد تنظیموں میں شامل ہو کر پاکستان بالخصوص بلوچستان میں دہشت گردی پھیلانے میں مصروف ہیں۔ ان حالات میں ماہ رنگ بلوچ سمیت دیگر لوگوں کا احتجاج سمجھ سے بالاتر ہے؟۔