چیئرمین پیپلزپارٹی بلاول بھٹو زرداری نے مسلم لیگ ن کے قائد میاں  محمد نوازشریف کو الیکشن سے پہلے مناظرے کی دعوت دے دی۔

سماجی رابطے کی ویب سائٹ ٹویٹر پر اپنے ایک پیغام میں بلاول بھٹو زرداری نے کہا کہ وزیراعظم کے امیدوار نوازشریف کو 8 فروری سے پہلے کسی بھی جگہ کسی بھی وقت مناظرےکی دعوت دیتا ہوں۔

I invite the PM candidate of @pmln_org, @NawazSharifMNS, to engage in a debate with me anytime, anywhere before Feb 8. Globally, Presidential and Prime Ministerial candidates participate in televised debates, providing voters with crucial insights into their plans. This…

— BilawalBhuttoZardari (@BBhuttoZardari) January 26, 2024

چیئرمین پیپلزپارٹی بلاول بھٹو زرداری نے مزید کہا کہ دنیا بھر میں صدر ، وزیراعظم کے امیدوار ٹی وی پر مناظرےکرتے ہیں، ایسے مناظروں سے ووٹرز کو لیڈر کے مستقبل کے منصوبوں کا پتا چلتا ہے، ووٹنگ سے پہلے باخبر ووٹرزکے لیے یہ شفافیت بہت ضروری ہے۔

یاد رہے کہ اس سے قبل بھی بلاول بھٹو زرداری نے قائد مسلم لیگ (ن) کو ملکی مسائل پر مناظرے کی دعوت دی تھی۔ ان کا کہنا تھا کہ میں وزارت عظمیٰ کا میدوار ہوں، (ن) لیگی امیدوار ٹی وی پر آکر کر مجھ سے بحث کریں۔

بلاول بھٹو زرداری نے یہ بھی انکشاف کیا تھا کہ وہ پی ڈی ایم حکومت چھوڑنا چاہتے تھے لیکن ان کے والد سابق صدر آصف علی زرداری نے انہیں روکا اور کہا کہ ہم نے زبان دی ہے۔