پاکستان ٹیلی کمیونیکیشن اتھارٹی (پی ٹی اے) کا سموں کے غیر قانونی اجراء کے خلاف کریک ڈاؤن جاری ہے۔
تفصیلات کے مطابق پاکستان ٹیلی کمیونیکیشن اتھارٹی (پی ٹی اے )اور فیڈرل انویسٹی گیشن ایجنسی (ایف آئی اے) سائبر کرائم سرکل نے موبائل فون کمپنی کی فرنچائزز کے خلاف کامیاب چھاپہ مارا ہے۔
پی ٹی اے کے مطابق اسلام آباد میں موجود فرنچائز سموں کے غیر قانونی اجرا میں ملوث پائی گئیں، چھاپے کے دوران سم اسٹاک کے اندر سے 02 فعال اور 151 مشتبہ سمیں برآمد ہوئیں۔
پی ٹی اے حکام کا کہنا تھا کہ ایف آئی اے کی ٹیم نے ثبوت کے طور پر ان سموں کے ساتھ 04 بی وی ایس ڈیوائسز بھی قبضے میں لے لیں، ایف آئی اے ٹیم نے موقع پر ہی دو افراد کو گرفتار کر لیا ، ایف آئی اے کی جانب سے معاملے کی مزید تحقیقات جاری ہیں۔
پی ٹی اے حکام نے بتایا کہ پی ٹی اے نے سیلز چینل کی جانب سے سموں کے غیر قانونی اجراء سے متعلق معلومات کی بنیاد پر ایف آئی اے کو شکایت درج کرائی تھی، یہ اقدام سموں کے غیر قانونی اجراء کے خاتمے کے حوالے سے اتھارٹی کے عزم کو ظاہر کرتے ہیں۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
