فردوس شمیم نقوی کے کاغذات نامزدگی منظوری کا معاملہ، ایم کیو ایم نے سندھ ہائیکورٹ سے رجوع کرلیا

ویب ڈیسک

08th Jan, 2024. 07:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فردوس شمیم نقوی کے کاغذات نامزدگی منظوری کا معاملہ، ایم کیو ایم نے سندھ ہائیکورٹ سے رجوع کرلیا

کراچی: پی ٹی آئی رہنما فردوس شمیم نقوی کے کاغذات نامزدگی منظور ہونے پر ایم کیوایم رہنما حسان صابر نے سندھ ہائی کورٹ سے رجوع کرلیا۔

الیکشن ٹریبونل سے پی ٹی آئی رہنما فردوس شمیم نقوی کے این اے 236 سے کاغذات نامزدگی منظور ہونے پر مخالف امیدوار اور ایم کیوایم کے رہنما حسان صابر نے فیصلے کے خلاف آئینی درخواست دائر کردی ہے۔

ایم کیو ایم رہنما حسان صابر نے درخواست میں موقف اختیار کیا کہ الیکشن ٹریبونل نے اہم قانونی نکات کو نظر انداز کیا، بیان حلفی میں پارٹی کا تعلق بتانا ضروری ہے جو فردوس شمیم نقوی نے نہیں کیا۔

حسان صابر نے اعتراض اٹھایا کہ جب بیان حلفی میں ہی غلط معلومات دی گئی ہیں تو کاغذات کیسے منظور ہوں گے؟ پارٹی سرٹیفیکٹ کے بغیر انتخابی نشان نہیں مل سکتا۔

درخواست میں استدعا کی گئی ہے کہ الیکشن ٹریبونل کا فیصلہ کالعدم قرار دیا جائے جب کہ سندھ ہائی کورٹ کا دورکنی بینچ کل درخواست کی سماعت کرے گا۔

واضح رہے کہ فردوس شمیم نقوی کے این اے 236 سے ریٹرننگ افسر نے کاغذات نامزدگی مسترد کردیے تھے جب کہ الیکشن ٹریبونل نے ریٹرننگ افسر کے فیصلے کے خلاف فردوس شمیم نقوی کی اپیل منظور کرلی تھی۔