آسٹریلیا کے سابق کپتان اسٹیو وا چاہتے ہیں کہ انٹرنیشنل کرکٹ کونسل اور دیگر بڑے کرکٹ بورڈز ٹیسٹ کرکٹ کو بچائیں۔

آسٹریلیا کے سابق کپتان اسٹیو وا کا یہ بیان جنوبی افریقہ کی جانب سے نیوزی لینڈ کے ٹیسٹ دورے کے لیے اسکواڈ کا اعلان کیے جانے کے بعد سامنے آیا ہے۔

جنوبی افریقا نے نیل برانڈ کو اگلے ماہ نیوزی لینڈ کے دو ٹیسٹ میچوں کے دورے کے لیے اپنا کپتان مقرر کیا ہے جہاں ان کی ٹیم کی اکثریت غیر حاضر رہے گی اور اس کے بجائے ڈومیسٹک ٹی ٹوئنٹی لیگ میں حصہ لے گی۔

ہفتہ کے روز اعلان کردہ 14 رکنی اسکواڈ میں سے نصف نے ابھی تک ٹیسٹ نہیں کھیلا ہے لیکن انہیں موقع مل گیا ہے کیونکہ یہ دورہ ایس اے 20 کے ساتھ ٹکراؤ کرتا ہے ، جو ٹی 20 لیگ ہے جسے کرکٹ جنوبی افریقہ اور انڈین پریمیئر لیگ کے سرمایہ کاروں نے گزشتہ سال شروع کیا تھا۔

سابق آسٹریلوی کپتان نے کہا کہ اگر آئی سی سی یا کوئی جلد قدم نہیں اٹھاتا ہے تو ٹیسٹ کرکٹ ختم ہو جائے گی کیونکہ آپ اپنے بہترین کھلاڑیوں کے خلاف خود کو آزما نہیں رہے ہیں۔

اسٹیو واہ نے کہا کہ میں سمجھتا ہوں کہ کھلاڑیوں کی ٹیسٹ کرکٹ کی طرف راغب نہ ہونے کی بڑی وجہ انہیں مناسب معاوضہ نہ ملنا ہے۔

اسٹیو واہ نے کہا کہ مجھے سمجھ میں نہیں آتا کہ آئی سی سی یا ٹاپ ممالک جو بہت پیسہ کما رہے ہیں، ان کے پاس ٹیسٹ میچوں کے لیے صرف ریگولیشن سیٹ فیس کیوں نہیں ہے جو ایک پریمیم ہے تاکہ کھلاڑیوں کو ٹیسٹ کرکٹ کھیلنے کی ترغیب دی جا سکے۔