سانحہ نومئی میں ملوث اعظم سواتی، مراد سعید، امتیازشیخ سمیت 7 ملزمان اشتہاری قرار

عبدالرحمان

24th Jan, 2024. 01:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سانحہ نومئی میں ملوث اعظم سواتی، مراد سعید، امتیازشیخ سمیت 7 ملزمان اشتہاری قرار

اے ٹی سی لاہور نے سانحہ نومئی میں ملوث اعظم سواتی، مراد سعید، امتیازشیخ سمیت 7 ملزمان اشتہاری قراردے دیا۔

انسداد دہشت گردی عدالت لاہور میں راحت بیکری کے سامنے پولیس کی گاڑیاں جلانے کے مقدمے سے متعلق کیس کی سماعت کے دوران عدالت نے سانحہ نو مئی میں ملوث 7 پی ٹی آئی رہنماؤں کواشتہاری قرار دے دیا۔

عدالت نے اعظم خان سواتی، مراد سعید، امتیازاحمد شیخ، حافظ فرحت، محمد زبیرنیازی، واسق قیوم عباسی اور حامد رضا کو اشتہاری قرار دے دیا۔

انسدادِ دہشت گردی عدالت کے جج محمد نوید اقبال نے فیصلہ سنایا۔ عدالت نے پولیس کی درخواست پر کارروائی کی۔

تفتیشی افسرنے عدالت کو بتایا کہ ملزمان کے اشتہار بھی شائع کیے گئے مگر ملزمان پیش نہیں ہو رہے روپوش ہوچکے ہیں۔

تفتیشی افسر نے استدعا کی کہ ملزمان کو اشتہاری قراردیا جائے۔ ملزمان نو مئی کو راحت بیکری چوک میں پولیس کی گاڑیاں جلانے میں ملوث ہیں۔ ملزمان کیخلاف تھانہ سرور روڈ میں مقدمہ درج ہے۔

جج محمد اقبال نوید نے فیصلہ سناتے ہوئے سانحہ نو مئی میں ملوث سات پی ٹی آئی رہنماؤں کواشتہاری قرار دے دیا۔