ارجنٹینا کے کپتان و سپر اسٹار فٹبالر لیونل میسی نے  تیسری مرتبہ فیفا پلیئر آف دی ایئر ایوارڈ جیت لیا۔

تفصیلات کے مطابق  گزشتہ رات لندن میں فیفا ورلڈکپ ایوارڈز کی تقریب منعقد ہوئی  جس میں میسی نے ایرلنگ ہالینڈ اور کائلان ایمباپے کو شکست دے کر ایوارڈ اپنے کیا۔

2022 میں پہلی مرتبہ فیفا ورلڈ کپ اور 2023 میں اپنا آٹھواں بیلن ڈی آر جیتنے کے بعد  تیسری بار یہ ایوارڈ  اپنے نام کیا ہے۔

https://twitter.com/FIFAWorldCup/status/1747003972571861269

ایرلنگ ہالینڈ اور میسی کے درمیان ٹائی ہوا تھا، میسی اور ہالینڈ کے پوائنٹس 48، 48 تھے اور فیفا ایوارڈ قوانین کے مطابق میسی کو دیگر کپتانوں کی اولین چوائس ہونے کی بنیاد پر منتخب کیا گیا۔

لیونل میسی نے اس سے قبل 2019 اور 2022 میں بھی یہ ٹائٹل جیتا تھا۔

اس کے علاوہ بارسلونا کی ایتانا بونماتی کو بہترین ویمن فٹبالر قرار دیا گیا۔

https://twitter.com/FIFAWWC/status/1747004429054722518

مردوں کے گول کیپر آف دی ایئر کا اعزاز مانچسٹر سٹی کے برازیلین گول کیپر ایڈرسن کو دیا گیا۔

https://twitter.com/FIFAWorldCup/status/1746989287072219280

انگلش گول کیپر میری ایرپس کو مسسلسل دوسرے سال فیفا کی بہترین ویمن گول کیپر آف دی ایئر قرار دیا گیا۔

https://twitter.com/FIFAWWC/status/1746987727122264529