سماجی تحفظ کے پروگرام پر فنڈنگ کیلئے پاکستان اور عالمی بینک حکام کے درمیان اجلاس منعقد ہوا۔

اجلاس میں نگران وزیر خزانہ شمشاد اختر اور عالمی بینک کے کنٹری ڈائریکٹر کی وفد کے ہمراہ شرکت کی۔

اجلاس میں عالمی بینک کے تعاون سے چلنے والے دو پروگراموں کے لیے فنانسنگ کا جائزہ لیا گیا۔

عالمی بینک کے تعاون سے جاری سی آر آئی ایس پی پروگرام کو حتمی شکل دے دی گئی۔

وزارت خزانہ کا کہنا تھا کہ سی آر آئی ایس پروگرام کیلئے عالمی بینک 250 ملین ڈالر کی معاونت کرے گا.

وزارت خزانہ کے مطابق سی آر آئی سی بینظیر انکم سپورٹ پروگرام کے ذریعے نافذ ہوگا، جو غریب اور کمزور گھرانوں کی کفالت کیلئے  پروگرام معاون ثابت ہوگا۔

اجلاس میں مائیکرو کریڈٹ تک رسائی اور سپورٹ کے منصوبے کا بھی تفصیلی جائزہ لیا گیا۔

وزارت خزانہ کا کہنا تھا کہ پروگرام مائیکروفنانس سیکٹر اور اس کے قرض دہندگان کی سہولت کیلئے ہوگا، مائیکرو کریڈٹ تک رسائی پروگرام کیلئے عالمی بینک 175ملین ڈالر کی معاونت کرے گا.

پروگرام کو حتمی شکل دینے کے لیے آئندہ ہفتے ایک اور میٹنگ کرنے پر اتفاق ہو گیا، اسٹیک ہولڈرز اسٹیٹ بینک اور ایس ای سی پی کو بھی میٹنگ مدعو کیاجائے گا.

اجلاس میں عالمی بینک کے تعاون سے آر اے ایم پروگرام کا بھی تفصیلی جائزہ لیا گیا، وفد نے وزیر خزانہ کو آر اے ایم پروگرام کی فنڈنگ اور مقاصد کے بارے بھی آگاہ کیا۔

وزارت خزانہ کے مطابق عالمی بینک  پاکستان کو آر اے ایم پروگرام کیلئے 175 ملیں ڈالر فراہم کرے گا۔

ملاقات کے دوران فریقین میں حکومتی قرضوں کا معاملہ بھی زیر بحث آیا، نگران وزیر خزانہ نے پاکستان کے لیے عالمی بینک کی مسلسل حمایت کو سراہا۔