غزہ میں اسرائیلی بمباری کو 107 روز مکمل، شہادتیں 25 ہزار سے متجاوز

ویب ڈیسک

22nd Jan, 2024. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ میں اسرائیلی بمباری کو 107 روز مکمل، شہادتیں 25 ہزار سے متجاوز

غزہ میں اسرائیلی بمباری کو 107 روز مکمل ہوگئے ہیں جب کہ شہید فلسطینیوں کی تعداد 25 ہزار سے تجاوز کرگئی ہے۔

شمالی وجنوبی غزہ میں شدید بمباری سے گزشتہ 24 گھنٹوں کے دوران میں 178 فلسطینی شہید جب کہ 293 زخمی ہوگئے۔

صیہونی فوج نے خان یونس میں بمباری کی جس کے نتیجے میں 10 فلسطینی شہید ہوئے جب کہ الشفاء اور ناصر اسپتال کوبھی نشانہ بنایا گیا جس میں مزید ہلاکتوں کا خدشہ ہے۔

یہ بھی پڑھیں: غزہ میں 60 ہزار حاملہ خواتین کی جانوں کو خطرہ لاحق ہے، اقوام متحدہ

مغربی کنارے میں اسرائیلی کارروائیاں جاری ہیں، صیہونی فوج نے ہیبرون، جنین اور مقبوضہ بیت المقدس میں چھاپوں کے دوران متعدد شہریوں کو گرفتار کرلیا۔

دوسری جانب حماس نے صیہونی فورسز کےخلاف کارروائیاں تیز کردیں، القسام بریگیڈز نے اسرائیلی فوجیوں پر حملے میں 2 اسرائیلی فوجی جہنم واصل کردیے۔

غزہ میں ہلاک اسرائیلی فوجیوں کی تعداد 197 ہوگئی ہے جب کہ القدس بریگیڈز نے بوریج کیمپ کے نزدیک اسرائیلی ٹینکوں کو نشانہ بنایا جس کی ویڈیو بھی جاری کردی گئی ہے۔