قومی کرکٹ ٹیم کے کپتان شاہین شاہ آفریدی کا کہنا ہے کہ نیوزی لینڈ کو اس کی ہوم کنڈیشنز میں شکست دینا آسان نہیں ہے۔

تفصیلات کے مطابق تیسرے ٹی ٹوئنٹی میچ کے بعد پریس کانفرنس میں شاہین شاہ آفریدی نے کہا کہ نیوزی لینڈ کی ٹیم اپنی کنڈیشنز میں بہت خطرناک ہے، اس کو شکست دینا آسان نہیں ہے۔

قومی کرکٹ ٹیم کے کپتان کا کہنا تھا کہ  بولنگ اچھی نہیں کرسکے،اگر بولرز درست لائن ولینتھ پر بولنگ کرتے تورزلٹ مختلف ہوتا ۔ اس ٹیم میں صلاحیت ہے، وننگ کمبی نیشن تیارکرنے کے لیے کچھ وقت دینا پڑے گا۔

شاہین شاہ آفریدی نے کہا کہ  ماضی کےنتائج کو دیکھ کر تینوں میچز میں ٹاس جیت کربولنگ کرنے کا فیصلہ مشاورت سےکیا۔ رنز کسی کو بھی پڑ جاتےہیں، حارث میچ جتواتا ہے وہ ہمارا میچ ونر بولر ہے۔

انہوں نے مزید کہا کہ  کسی بھی نوجوان کے لیے نیوزی لینڈ کی کنڈیشنز میں پرفارمنس مشکل ہوتی ہے۔ صائم اور اعظم  دونوں ہی بہت باصلاحیت ہیں، ان کو سپورٹ کرنے کی ضرورت ہے۔

قومی کپتان کا کہنا تھا کہ  بابر نے رنز کیے ہیں لیکن میچ جیتنے کے لیے ساتھ پارٹنرشپ بھی لمبی ہونی چاہیے تھی۔  اگر ساتھ کوئی کھڑا ہوتا تو بابر پر بھی پریشر کم ہوتا۔

شاہین آفریدی نے مزید کہا کہ ہمیں سب کو موقع دینا پڑے گا، جلد ایک اچھا کمبی نیشن تیار کرنے میں کامیاب ہوجائیں گے۔

.@iShaheenAfridi's press conference following the third T20I against New Zealand.

Full video ➡️ https://t.co/4XRbNG4cVr#NZvPAK pic.twitter.com/mamuiBiDEr

— Pakistan Cricket (@TheRealPCB) January 17, 2024