نوجوت سنگھ سدھو بھی فلسطینیوں کے حق میں بول پڑے

ویب ڈیسک

24th Jan, 2024. 11:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوجوت سنگھ سدھو بھی فلسطینیوں کے حق میں بول پڑے

بھارت کے سابق کرکٹر نوجوت سنگھ سدھو نے فلسطین میں بے گناہ بچوں، خواتین اور شہریوں کا خون بہانے پر افسوس کا اظہار کیا۔

نوجوت سنگھ سدھو آج بھارت سے دربار بابا گورو نانک کرتارپور پہنچے تھے جہاں انہوں نے میڈیا سے گفتگو کی۔

نوجوت سنگھ سدھو کا کہنا تھا کہ جنگ کسی مسئلے کا حل نہیں ، مذاکرات کی میز پر معاملات حل کرنے چاہئیں، تنازعات کے خاتمے اور عالمی امن کے لئے مضبوط اقوام متحدہ ضروری ہے۔

نوجوت سنگھ سدھو نے کہا کہ اقوام متحدہ کو چاہئیے کہ وہ فلسطین میں معصوم بچوں اور خواتین کے ساتھ ظلم رکوائے، انہوں نے کہا کہ فلسطین میں ننھے بچوں اومظلوم عورتوں کو نشانہ بنایا جا رہا ہے۔

ماضی میں لاہور اور امرتسر ایشیا کی سب بڑی منڈی رہی، کرتار پور راہداری سے جتنا فائدہ اٹھا سکتے ہیں اٹھانا چاہئیے۔

ہماری زبان، غذا، لباس اور رہن سہن بھی ایک جیسے ہیں، ہماری ثقافت اور ذاتیں پاتیں بھی ایک ہیں۔