چیف جسٹس پاکستان نے کہا کہ بطورچیف جسٹس پہلے پریکٹس اینڈ پروسیجر کیس کو براہ راست نشر کیا، سماعت براہ راست سے عام شہری بھی انصاف ہوتا دیکھے گا۔

اسلام آباد میں فیڈرل جوڈیشل اکیڈمی کے ای کیمپیس کی لانچنگ تقریب سے خطاب کرتے ہوئے چیف جسٹس پاکستان قاضی فائزعیسٰی نے کہا کہ اکیڈمی میں کامیابی کے لیے نیک خواہشات ہیں، فیڈرل جوڈیشل اکیڈمی رابطے کا بہترین ذریعہ ہے، عدالتی عملے کو وہ اہمیت نہیں ملتی جو ملنی چاہیے۔

چیف جسٹس پاکستان نے کہا کہ ہائی کورٹس کے چیف جسٹس بھی اکیڈمیزمیں عملہ کی تربیت کا اہتمام کریں، تین ہزار 2 سو ججز ہیں، جسٹس منصور علی شاہ نے اہم تجاویز دی ہیں، اکیڈمی میں تربیتی پروگرامز جاری ہیں۔

چیف جسٹس قاضی فائزعیسٰی نے کہا کہ انصاف کا بہترنظام مقدمات کا دباؤ کم کرے گا، ہائیکورٹس ماتحت عدلیہ کی سپروائزر ہیں، ٹیکنالوجی کے استعمال پر خوش ہوں، سپریم کارٹ میں بھی ٹیکنالوجی کا استعمال ہو رہا ہے۔

چیف جسٹس پاکستان نے کہا کہ بطورچیف جسٹس پہلے پریکٹس اینڈ پروسیجر کیس کو براہ راست نشر کیا، سماعت براہ راست سے عام شہری بھی انصاف ہوتا دیکھے گا، یہ عمل انصاف کے نظام میں مزید شفافیت لائے گا، ٹیکنالوجی قلم کی طرح اہم ذریعہ ہے، یہ علم کے لیے اہم ذریعہ ہے