بالی ووڈ کے معروف اداکار عمران ہاشمی نئے سال کے آغاز کے ساتھ ہی نئی اور لگژری گاڑی اپنے گھر لے آئے ہیں جس کی قیمت کروڑوں میں ہے۔

غیر ملکی خبررساں ادارے کی رپورٹ کے مطابق اداکار نے جمعرات، 11 جنوری کو ایک شاندار رولز رائس گھوسٹ بلیک بیج خریدی ہے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Viral Bhayani (@viralbhayani)

Advertisement

رپورٹ میں بتایا گیا ہے کہ ٹائیگر 3 کی بہترین کامیابی کے بعد اداکار نے نئی رولز رائس خریدی ہے جس کی ویدیوز سوشل میڈیا پر کافی وائرل ہورہی ہے۔

ایک وائرل ویڈیو میں عمران ہاشمی کو دیکھا جاسکتا ہے، جہاں وہ اپنی نئی گاڑی میں بیٹھے فون پر بات کرتے ہوئے لوگوں کی طرف ہاتھ ہلاتے ہوئے دیکھا جا سکتا ہے۔

اداکار کی اس گاڑی کی قیمت 12.25 کروڑ روپے ہے جو کہ پاکستانی ساڑھے 41 کروڑ روپے بنتے ہیں اور یہ دنیا کی سب سے مہنگی ترین گاڑیوں میں سے ایک ہے۔

خیال رہے کہ عمران ہاشمی آخری بار سلمان خان کی ‘ٹائیگر 3’ میں نظر آئے تھے جس میں انہوں نے مخالف کا کردار ادا کیا۔ منیش شرما کی ہدایت کاری میں بننے والی اس فلم میں کترینہ کیف، ردھی ڈوگرا، وشال جیٹھوا اور کمود مشرا نے بھی اہم کردار ادا کیے تھے۔ ‘ٹائیگر 3’ میں شاہ رخ خان نے بھی کیمیو کیا تھا۔

دوسری جانب اطلاعات ہیں کہ عمران ہاشمی کو ‘ڈان 3’ میں ولن کا کردار ادا کریں گے تاہم ابھی تک اس بارے میں کوئی باضابطہ بیان جاری نہیں کیا گیا ہے۔

‘ڈان 3’ میں رنویر سنگھ مرکزی کردار میں نظر آئیں گے اور اسے ایکسل انٹرٹینمنٹ کے رتیش سدھوانی اور فرحان اختر پروڈیوس کریں گے۔ یہ فلم 2025 میں سینما گھروں میں ریلیز کئے جانے کا امکان ہے۔