پی پی کے چیئرمین بلاول بھٹو زرداری نے لاہور میں پیکو روڈ پر کارکنوں سے خطاب کیا۔

بلاول بھٹو زرداری نے کارکنوں سے خطاب میں کہا کہ حلقے میں کارکن میرے سفر ہیں، اور کارکنوں کو میرا اور پی پی کا پیغام گھر گھر پہنچانا ہے۔

بلاول بھٹو زرداری نے اپنے خطاب میں کہا کہ لاہور کسی کاروباری اور نہ کسی کھلاڑی کا ہے بلکہ یہ بے نظیر بھٹو کا لاہور ہے۔

بلاول بھٹو زرداری کا کہنا تھا کہ میں اپنے گھر لاہور میں آیا ہوں اور میں اپنے شہر میں آ کر لاہور سے الیکشن لڑ رہا ہوں۔

بلاول بھٹو زرداری نے کہا کہ اس شہر میں سیاست کرنی ہے تو پی پی کی جیالوں کی وجہ سے سیاست کرنی ہے

بلاول بھٹو زرداری نے کہا کہ ہمیں کسی پٹواری کی ضرورت نہیں ہے اور میں اپنے منشور کے دس وعدے پورے کروں گا۔

بلاول بھٹو زرداری نے کارکنوں سے کہا کہ تین سو یونٹ تک بجلی مفت دیں گے، تنخواہوں کو ڈبل کریں گے اور پنجاب کے ہر ضلع میں مفت علاج کی سہولت دیں گے۔

بلاول بھٹو زردری نے اپنے منشور کے حوالے سے بتایا کہ بے نظیر انکم سپورٹ پروگرام میں اضافہ کریں گے ، مزدوروں اور کسانوں کو کارڈز فراہم کریں گے۔

بلاول بھٹو زرداری نے کہا کہ پی پی کے جیالے نہ جھکتے ہیں نہ گھبراتے ہیں، ہم ان کے گھر میں گھس کر انہیں ماریں گے۔

بلاول بھٹو زرداری نے کارکنوں سے کہا کہ سب نے میرا نمائندہ بن کر الیکشن لڑنا ہے، جیت پی پی، بھٹو اور عوام کی ہو گی۔