غزہ؛ گذشتہ 24 گھنٹوں میں 151 فلسطینی شہید، 248 زخمی

ویب ڈیسک

13th Jan, 2024. 03:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ؛ گذشتہ 24 گھنٹوں میں 151 فلسطینی شہید، 248 زخمی

گذشتہ 24 گھنٹوں کے دوران غزہ میں 151 فلسطینی شہید جب کہ 248 زخمی ہوگئے ہیں۔

غیر ملکی خبر رساں ادارے کے مطابق غزہ میں اسرائیلی جارحیت جاری ہے جب کہ اسرائیل نے 24 گھنٹوں میں غزہ کے مختلف علاقوں میں بمباری کی۔

بمباری کے نتیجے میں 151 فلسطینی شہید جب کہ 248 زخمی ہوگئے ہیں جب کہ غزہ میں انٹرنیٹ اور ٹیلی کام سروسز بھی معطل ہوگئیں ہیں۔

رپورٹ کے مطابق مغربی مقبوضہ کنارے میں اسرائیلی فوج کی فائرنگ سے 3 فلسطینی نوجوان شہید ہوئے، دیر البلاح میں اسرائیلی بمباری سے 15 فلسطینی شہید ہوئے۔

یہ بھی پڑھیں: عالمی عدالت انصاف میں اسرائیل پرنسل کشی کنونشن کی خلاف ورزی کا الزام

یاد رہے کہ 7 اکتوبر سے جاری جنگ سے اب تک اسرائیلی حملوں میں 23 ہزار 708 فلسطینی شہید اور 60 ہزار سے زائد زخمی ہوچکے ہیں۔

دوسری جانب حماس اور اسرائیل کے درمیان اسرائیلی مغویوں کو ادویات کی فراہمی کا معاہدہ طے پاگیا ہے جو کہ قطر کی سفارتی کوششوں کے نتیجے میں طے پایا۔

معاہدے کے تحت اسرائیل غزہ کے لیے امداد میں ادویات اور دیگر اشیا کی مقدار بڑھا دے گا۔